सिन्धुपाल्चोक । लिसंखुला ह्रिस्याङ्गोरि म्हानिछ्योको गेताङ थुम्बा मुला । दिङ दाङ्सेन म्हेनिङला छेपा छ्युकुनु स्हेङ्सि खाबा म्हानिछ्योको गेताङ चुपाल्से म्हेनिङ १६ कुनु लिसंखु पाखर गाउँपालिका वडा नं.–२, ह्रिस्याङ्गोरि मुबा छ्योइफेल कुन्देलिङ गोन्पारि गेताङ ताबा हिन्ना ।

हिन्दुकादेला दशै थेन म्हेनिङला दुइसाङरि ल्होलो ल्होलो सेमच्यान सात्पा थाबा, थेराङनोनलासि जाम्बुलिङरिन सिबा मुदेबान सेमच्यानकादेसे थार्पा थोप्काइ बिबान ह्रिस्याङ्गोरि मुबा आखे ब्रेसे दिङ दाङ्सिन रेमसे चुराङ्बा गेताङ स्हेङ्सि खाबा मुला । बिशेषलासि चेनरेसिग थेन गुरुरिन्पोछेदा छ्योबा म्हान्डल फुल्बा लिच्छा छार स्हेङ्बा आनिम छ्योर्तेनदा कोरोलासि म्हानिछ्योगो लाबा मुला । 

थे ताङरि चुपाल्से बिसाम भल्वटि आखे छोक्बासे गेताङ स्हेङ्बा मुबा । ह्रिस्याङ्गोरि म्हानिछ्योगो वि.सं.१९५५ सालहेन्छे स्हेङ्बान खाबा हिन्ना । म्हेनिङला म्हानिछ्योगो थेन सोकराति ङ्हयारि ताबा नाम्दर गेताङदा ह्रिस्याङ्गोला आखे ब्रेसे रेमसेन लासि खाबा मुला । चु पाल्से म्हानिछ्योगो स्हेङ्बा छोक्बासे गुरिङमा नाम्दर स्हेङ्सेला मुला । 

(छिगकि दोनः आनिम– अस्थायी, छोक्बा– समुह)