याम्बु १ तापाग्रेन । ज्योति विकास बैंकसे ह्युलला ल्हाथुमजुगुरि केवाकोङ्ह्रावा चिकित्सा उपकरणजुगुला महत्वदा च्यासि सुदुरपश्चिम प्रदेशला ल्होलो जोङला ल्हुइथाङ चौकीजुगुरि क्योलोलो केबाला ल्हुइला लेप्बादा उचित थान्बा थेन हाइपोथर्मिया (अल्पताप) ताबाग्याम सोना लाबारि तोबा बेबी वार्मर (न्यानो नानी) मेसिन पिन्बा मुला ।

कोङ्ह्राना कोला न्हाबा साप्तोला पहुँच ल्हाथुमरि नोन सुनिश्चित लाबा दोन्तासे बैंकसे ह्राङ्ला शाखा आरेबा ग्लाजुगुरि सुताइ चुह्राङ्बा आरेना आताबा ल्हुइथाङ उपकरणजुगु पिन्सिकेन खाबा मुला । चु प्रयास बैंकला सामाजिक उत्तरदायित्व न्हाङरि संचालित याखारगि महत्वपूर्ण पहल हिन्ना । 

ज्योति विकास बैंकला पहलरि बझाङ जोङ्ला मष्टा गाउँपालिका वडा नं. २ ला मष्टा ल्हुइथाङ चौकी थेन खप्तडछान्ना गाउँपालिका वडा नं. ५ ला कालुखेती ल्हुइथाङ चौकीरि बेबी वार्मर थुइबा हिन्ना । छ्यामरि, बाजुरा जोङ्ला त्रिवेणी नगरपालिका वडा नं. ३ ला भाटाकाटियाँ ल्हुइथाङ चौकीरि बेबी वार्मर थुइबा हिन्ना । उपकरण पिन्बा गेताङरि सम्बन्धित ल्हुइथाङ चौकीला पदाधिकारीजुगु ओसेम सम्बन्धित थुमला ल्होलो व्यक्तिजुगुला दाराप्बा मुबा । छ्यामरि, थेनोन दुइसाङरि अस्पतालला डाक्टर, नर्सतेन सम्बन्धित कर्मचारीजुगुदा खेन्पोग्याम्से बेबी वार्मर संचालन सम्बन्धी विशेष कुबा पिन्बा मुबा ।  

(छिगकि दोनः ल्हुइथाङ– स्वास्थ्य, केवाकोङ्ह्रावा– जीवनरक्षक, कोङ्ह्राना– सुरक्षित, ल्हाथुम– दुर्गम, साप्तो– सेवा, दोन्ता– उद्देश्य, दाराप्बा– उपस्थिति, कुबा– तालिम)