हेराङ । बागमती बागमती गाउँपालिका वडा नम्बर ४ प्युटार–थाङसिङटाररि तापाग्रेन १३ गते कामरेकुनु बौद्ध ग्युइसेर फेल्ना मैत्री धर्म द्वीप केन्द्र ओसेम तामाङ समाजला संयुक्त ङ्योइसाङरि ग्रेन धर्म–देशना गेताङ ताबा मुला ।
गेताङरि धर्मगुरु जेचुन साङ्गे खाण्डो रिन्पोछेसे बोकिन्बासे भक्तजनरि उत्साह, श्रद्धा थेन आध्यात्मिक उमङ्ग काप्बा आयोजक गेन्दुनसे उन्पाङ्बा मुला । रिन्पोछेसे मैत्री, करुणा, देन्बा ग्यालाम थेन आध्यात्मिक अनुशासनला नुररि सेमताम थान्बा मुबा । थेसे समाजला मोक्कोन वर्गदा सदाचार थेन सद्भावनाला ग्यालामरि ङ्हाच्छा वाङ्बारि प्रेरित लाबा मुबा ।
स्थानीयजुगुसे लिच्छाला रेजुगुरि प्युटार थुमदा धार्मिक थेन आध्यात्मिक केन्द्रला स्ह्रुगरि ङोसेना लासिकेन खाबा मुला । प्युटार थुमरि बौद्ध ग्युइसेरदा फेल्ना लाबा दोन्ता थोसि आयोजक गेन्दुन धर्म द्वीप केन्द्रसे गेताङ स्हेङ्बा मुबा ।
गेताङ सफल ताना लाबारि ह्रोलाबा बेनान स्थानीय प्रतिनिधि, स्वयंसेवक, स्योमिजुगुदा आयोजक गेन्दुनसे थुजेछे फुल्बा मुला ।
(छिगकि दोनः हेराङ– ललितपुर, तापाग्रेन– मंसिर, कामरे– शनिबार, ग्युइसेर– शिक्षा, फेल्ना– विस्तार, गेन्दुन– संस्था, उन्पाङ्बा– जनाएको, स्ह्रुग– रुप, दोन्ता– उद्देश्य)
तपाईको प्रतिक्रिया दिनुहोस