काइपा कुबेर तामाङला ‘मेरो जीवन तिमी’ व्हाइ बजाररि खाजि
ओएसआर डिजिटल ग्याम्से बजाररि खाबा व्हाइला काइ हिन्ना, ‘मेरो जीवन तिमी’ । चुला छिग, काइ ओसेम निर्देशन कुबेर तामाङला मुला । कल्याण सिंहसे कम्पोज लाबा चु व्हाइ मेलोडी नेपाल स्टुडियोरि रेकर्डिङ ताबा हिन्ना ।
व्हाइला एरेन्जर पुष्कर सुनुवार हिन्ना बिसाम रेकर्डिस्ट विप्लव अधिकारी हिन्ना ।
चु व्हाइला छायांकन थेन डिक्लाबा मोहन सुनुवारसे लाबा मुला बिसाम मेकअप साया राइला मुला ।
काइपा ओसेम काठापा (निर्देशक) कुबेर तामाङला आन्सार रक पप व्हाइदा फ्युजन ज्योरि कम्पोजर कल्याण सिंहसे ज्याबा स्होपिन्बा मुला बिसाम डिक्लाबासे कलर फेबा तोसोसे पिन्बा मुला ।
चु व्हाइला कम्पोजदा जेबा स्होबारि एरेन्जर पुष्कर सुनुवारला ग्रेन या मुबा काइपा कुेबर तामाङसे पाङ्जि । छायाङ्कनला दुइरि कलाकार सञ्जित भण्डारी थेन कलाकार नतिजा लुइटेलसे नोन ह्राङ्ला कलाकारिताला न्हाङ्हेन्से प्रस्तुती पिन्बा मुबा ।
ह्रोल्ज्याङ (सांगीतिक) मुरि स्यान्दो याखारगि सफल ह्रोल्ज्याङ च्याखेन ङोन्छाङ प्रस्तुत लाबारि सफल तामा काइपा ओसेम काठापा कुबेर तामाङसे ह्राङ्ला गे च्याखेनजुगु ङोन्छाङ पेस लाम्याङ्मा ताङ्बा खाबा बिसि पाङ्बा मुला । थेसे खाराङ्बा प्रतिक्रिया खाला थे स्वीकार लासि खाबा रेजुगुरि थेनोन तामदा प्रेरणाला स्रोत स्होसिकेन ङ्हाच्छा वाङ्सेला ताम प्रष्ट लाबा मुला ।
तपाईको प्रतिक्रिया दिनुहोस