खाइमा गोङ्मा ल्हेला
तिला ग्यालाम
चु जरुरी आरे
ब्रामा ङ्हाच्छान ग्यालाम तागाइ
ग्यालाम खेबा ताबारि खाम्ला
छार ताबारि खाम्ला
अप्ठ्यारो ताबारि खाम्ला
चु जरुरी आरे
खाइमा गोङ्माकादे ङ्हाच्छा ब्राला
थेरि ग्यालाम नोन तातोला
बरु गोङ्माकादेसेन स्होला ग्यालाम
खाइमा खानाङए दोतोबा ताला
थेला लागि म्राङ्बारि चुला म्हाङ
ग्रान लाला सेमसे
थेदुइरि तोला ग्यालाम
ग्यालामकादे ङ्हाच्छान आस्होनि
आब्राना खाइमाइ आस्होनि
खाइमा म्हि ब्राबारि चुजि
गोङ्माकादेसेन स्होबा हिन्ना ग्यालामकादे
ग्यालामसे खाइमाइ ब्राना आला म्हिदा
म्हिसेन ब्राना लाला ग्यालामकादेदा ।

(छिगला अर्थः खेबा– पुरानो, ग्रान– संकल्प/प्रतिबद्धता/कसम)

दोःबा : यकिना अगाध