दारेम ग्रेन दोजि आहिन ?
हिन्ना, ग्रेन दोजि ताला
रेरि १२ घन्टा खट्तिसि
टु से नुहाब लासि
निद्रा चुङ्सि, टु देप्सि
सायद थेनोन तासि ‘ग्रेन’ दोजि ताला !
तासाइ एसे तिगा म्राङ्जि
ङान्ना स्याउ ह्राङ्बा या
ङान्ना सेल्फीला ज्युमङेबा
ओम थेरिन स्होजि अवधारणा–
‘दारेम ताम आपाङ, न्होर छाजि, घमण्ड खाजि ।’
ङ्यान्गो...
मोबाइल क्लाङ्बारिम दुइ आता
फोन लाबारिम ओल्गोङ थेन सेम ङ्हीनोन ब्लाप्ला
ङ्यासे निद्रा आहिन, स्हेर ख्वाइसि म्हेर्ला ।
चुरि खालाइसे ‘ए’ बिसि आङ्योइ
मिन आरे... नम्बर मुला,
भावना आरे... तलबला हिसाब मुला ।
ओम एनिकादे...
ह्युलरिन चिसि ङान्ना स्हुदा क्योइला–
‘दारेम न्होर खाजि, ङान्ना आडान... ।’
एदा थाहा आरे ?
ङान्छे न्होर जेक्खे आपुइगा
बिजादुइ, म्हाङ थेन केवा नोन छ्याम पोरेलासि पुइगाला ।
ङानि पोबा आहिन,
पोबाम एनिकादे हिन्ना...
ङान्ना मौनतादा घमण्ड म्राङ्ला
ओम ङानि क्राबादा ‘रिमोट लाइफस्टाइल’ डान्ना ।
‘ग्रेन दोजि’ आहिन ह्रो
जेक्खे सोबा मुला
एन्ना क्यालो नासिमाम
ओम फिरग्यापह्युलला मरुभुमिरि छेन्दे दोआतोगाइ बिसिमाम ।
दोःबा : यकिना अगाध
तपाईको प्रतिक्रिया दिनुहोस