ह्युलरि बिबाराङ सेमसे पाङ्बाराङ आतामा सातान सिजे म्हान्बा
कादे चासाइ ङ्हे, स्या थेन कान म्हिजा नाख्रु डिजे म्हान्बा ।
चु सहरला धुलो, म्युगु, हिलो न्हाङरि खिल्सि ब्रातोमा
नाम्सा ओम सुन सुबा दुइदा जिसि खामा दोसि निजे म्हान्बा ।
सरकारसे ब्रिबा डोबा लाबाकादे फिरि खुट्टे जुसिगेन खामा
गोर्कि म्हाङ डोबारि खाबा ङा गुङरिन ख्लाजि बिजे म्हान्बा ।
प्रदेशला मिन नेवा–ताम्सालिङ बिबा थेबा ओराङ आलामा
थेन्दा कुर्सी ग्याम्से डुइसिमाम थोबोरि ल्याक्पा ल्हिगे म्हान्बा ।
कादे बोल्साइ, कादे स्हु लासाइ, खाल्तीरि डेबा ङि न्होर आतामा
ङ्होरि मेफ्रा फोर्सि, गोर्कि त्रिशुल थोसि जोगी दोसि चिजे म्हान्बा ।
खानीखोला– ४, फुलडाँडा, काभ्रे ।
(हेराङला कोन्ज्योसोमरि ताबा ‘तामाङ ग्योइकाइ ल्हाम २०७५’ रि डोबा गजल)
तपाईको प्रतिक्रिया दिनुहोस