च्याङ्बा !
थाम्हाइगो दारे ङादा लाबा ब्योङ्बा थे बुदुमरि
दारे थेरि चु माइच्याङ ब्रान्सि चिसेला आरे ।
थोबारि पाडा
मिरि गुलाफ
ग्राम्बाला आरुबखडा सार्ना लासि
एदा ब्रान्चिबा माइच्याङ
दारे म्हाजिन्बा मुला चु सारकादे चम्कप ताचिबा सहररि
रहरकादे ल्हुबा बगररि ।
म्हाङमि मुबा एतेन तार ता क्रेसि ज्योमोगाङ ग्याप्से सिंघमरि दोबा
तासाइ रहर हार्बा मिकादेरि म्हाङ साम्बाचिम च्याङ्बा म्हाङ साम्बा चिम ।
डम्फुसे नोन पिन्बारि आखाम्मा हेन्से केवाला ताल
लुङ्दारसे नोन आपिन्माहेन्से ह्रेच्छाकला सिम्बा
दोगाबा मुला रहर ल्हुबा बगररि
सारकादेला सहररि
बालुवाला ह्युलरि
ङोआसेबा गोइलोरि ।
विवशताला बन्दी दोमाहेन्से
चुङ्तोबा नियति दोबा चिम
ह्राङ्तान चुङ्सि ङाइ एला माइच्याङदा ख्लाबा मुला
तागाइ दारेम आब्रान्गो गाङ्ला बुदुमरि
सिंघमला संघाररि
दारेम एला माइच्याङ दोसि खासेला आरे ।
(छिगला अर्थः बुदुम– थुम्को, पाडा– गुराँस, सार– तारा, साम्बा– ओइलाउनु, ल्हुबा– पुरिएको, केवा– जीवन)
दोःबा : यकिना अगाध
तपाईको प्रतिक्रिया दिनुहोस