सेम मिख्लि दोसि म्ह्युबाकेन मुला
तिङ–
गाङ्ला जोग्याम कुल्सि
माङ फेदीला कुरि दोसि
ब्लाप्बा न्हाबा निर्जीव युङ्बा ह्राङ्बान दोबा मुला ।
तिल्दाबिसाम–
दोसि तिनिनोन ङाला जाम्बुलिङला
वापवाप्बा वाला का मुबा छारिब्योन
सिम्बा म्हि दोसि
वाला बाकस दोसि
फ्लिदोसि खाबाकेन मुला ।
वाला बाकस दोसि
म्हिला ख्राङ्गारि म्हाङकादे सुनासुनान
ल्होलो म्हाङकादे थेनथान्सि थे गुर्जि
खाइमाइ आरेबा लासि
गुर्बाला कारण अज्ञात मुला
ङ्यान्नोन तोला
स्यान्दोला तजबिजरि स्होबा डोङ्बाला कारण
थे जेक्खे आगुर्नि ।
थेला क्योङ दिमम्हेला भरोसा गुर्बा मुला
म्रिङ्ला चिवा, आमाला कु, आपाला बैशाखी
जा जामेला लिउ
बेनान बेनान ताबा मुला ‘उजाड’
थे फ्लिकदोसि खाबाकेन मुला ।
बरफ दोसिमाम...
बु आबुन्बा मुडो ह्राङ्बा दोसिमाम
थेनोन ग्याम–
खासुला पर्दा हेल्सिकेन मुला कु क्लेसिकेन
वाला बाकस दोसिमाम ।
(छिगला अर्थः म्ह्युबा– पग्लनु, छारिब्योन– युवा, चिवा– सिउँदो, लिउ– भविष्य, बु– सास, खासु– बादल, हेल्सिकेन– हटाउँदै)
दोःबा : यकिना अगाध
तपाईको प्रतिक्रिया दिनुहोस