ङाला चेगाइरि चेगाइला नुप्बाग्याम
चेगाइला मोती दुइबारि
चेगाइदा बिबाते चेगाइ पिन्बा आरे कि
ह्राङ छोरचिला,
ङादाम एसे पुइगाबा
हिक्कु न्हाङरि वाङ्सि
एदा चेगाइ लाइ ह्राङ
ल्हागतिसि चिला,
एला मिला फुइबा
ल्हागतिसि चिला,
एला सुङ्फिला फुइबा
ल्हागतिसि चिला,
खाराङ्बा नोइ हिन्ना चु गोबारि आखाम्नि
ङादा तिल्दा मुग्याम एला जेक्खे फुइबा
ल्हागतिसि चिला ।
एला चेगाइ दुइसिमाम
तिङरि तोक थान्ना
एला सेमदा मिसे ह्याप्सि
थेग्याम दुइबा ह्राङ्दा
सोनालासि,
दोसि थेरि तोते चेगाइ च्युर्सि
एला मिला म्रापग्याम
एला सेमदोना साबा ताला ।
ङ्याम्बा मुला चु
म्हेन्दो ह्राङ्बा
रुतुलुक्क साम्सि निला
दुर्बल मुला थे
काँचला बोतल ह्राङ्बा
फेक थिसि निला
सेमला चाङ्मा ग्लारि
तिङ्ला डोइ दुपुङ्गो,
थेदा विवेकला ख्राङ्गारिक्यार
कोर्बारि निआपुङ्गो ।
ङाला फुइबा ल्हागतिमा
ग्लुकग्लुक डान्बा थुङ्गो,
जेक्खे, सेमदा चेगाइ.. चेगाइ...चेगाइ...
चेगाइ जेक्खे कोबारि पिन्गो ।
मिरिक, दार्जिलिङ, भारत ।
दोःबा : यकिना अगाध
(छिगदोनः चेगाइ– माया, नुप्बा– गहिराइ, फुइबा– तिर्खा, हिक्कु– बाडुली, ह्याप्सि– निफनेर, च्युर्सि– लिपेर, ग्लुकग्लुक– घटघटी)
तपाईको प्रतिक्रिया दिनुहोस