ह्युल्ला ठिमरि दोबारि ह्याङ तामाङकादे लिच्छा ताजि
चु ताम डान्सि ह्याङ तामाङकादे गि तासि ब्रातोजि । 
ह्याङ्लाइ दोङराप काइरानला ताम ह्युल्ला ठिमरि ब्रितोजि
ह्याङ म्होकोन डिक्सि ह्युल्ला ठिमरि दोबारि बाङ लादोजि ।।

तामाङकादे खाइमादाम्मान फेसि ब्राजि ह्युल्ला ठिमरि आदोनि
ह्युल्ला ठिमसे नाङ्बा दुल्बा लाजि चु ताम ह्याङसे आगोनि ।
तामाङकादे खाइमादाम्मान म्हिला लिच्छा लिच्छा ग्याम दाङ्सि ब्राजि
थेतासि तिनि ह्याङ तामाङ म्हिसे तिगा पाङ्बा थे तामरि ब्रादोजि ।।

दारे ह्याङ्लाइ याङ्ताम म्हाइबारि म्होकोन डिक्सि गान्दि दोतोजि
ह्याङ तामाङ पार्टीला मिनरि फेबा आहिन गि तासि तोर नितोजि ।
चु ह्याङ्ला ह्युलरि तामाङला यावाङ तातोजि 
उइमाङेन्देन ह्याङ्दा नाङ्सि थान्बाकादेदा लिच्छा ताना लातोजि ।।

ह्युल्ला ठिमरि दोबारि म्होकोन तामाङकादे पोप तासि ब्रातोजि
म्हिला ग्याबा दोसि आहिन ह्याङनोन ठिमरि दोबारि बाङ लातोजि ।
ज्यार्दिसे ह्याङ्दा तोरमार लासि काङ्से नाङ्सि थान्जि
चु ताम गोसि ह्याङ म्होकोन तामाङकादे गि तासि रेतोजि ।।

ओइ तामाङ ज्योज्योआले नानाआङा दारे छोर्गो म्हिकादे खानाङ दोजि
चु ह्युल्ला ठिमरि ह्याङ्लाइ म्हिकादे दोतोजि ।
कादे ह्याङ म्हिला लिच्छा लिच्छा ब्रासे दारे ङाच्छा नितोजि
चु ह्युलरि म्होकोन तामाङकादे डिक्सि ह्याङ्ला ताम्सालिङ बातोजि ।।

घ्याङलेख गाउँपालिका वडा नम्बर ५, सिन्धुली ।