ए शासक गोबोनकादे
एसे कुर्सीला लोभ लासि
ह्युल्बादा २७ खर्ब छे काप्सि
एसे तिला  यङ्जि
होराङ्तासि दारेम ह्याङ्से
भ्रष्टाचारी ब्याङ्तोजि ।

दोसिन रेबान मुला ए शासककादे
दोसिन कुर्सीरि टिबारि
दोसिन भ्रष्टाचार लाबारि
ह्युल्बादा २७ खर्ब छे काप्सि
सातान भ्रष्टाचार लाबारि याप्पा ए शासककादेदा
दोसि शासन सत्तारि पुइला आदे भ्रष्टाचारीकादेदा ।
ह्युल्बाला याङ्ताम व्यान्बारि आम्हाइगो ए शासककादे
ह्युल्बातेन ताम आडिक्साम ह्युल्बासे ब्याङ्ला एनिकादे ।

कुर्सीरि चिबा म्हि पोजि ह्युल ठिम अपोजि ।
लोकतन्त्रला मिन लासि ताजि लुटतन्त्र
होराङतासि दारेम ह्याङ्से
भ्रष्टाचारी ब्याङ्तोजि ।

पुँजीवादी शासन ठिम झन कोङ्सि निजि
पुँजीवादी शासन ठिमरि खाइमादाम्मान ताला भ्रष्टाचार
भ्रष्टाचारी शासकसे ह्युल्बादा आलाउ अत्याचार
निरंकुश ग्ले ठिमदा ६२÷६३ ला दुइरि ब्याङ्जि
ओत्ते लासिन आतानि 
कुर्सीरि चिबा म्हि पोजि, ह्युल ठिम आपोनि
भ्रष्टाचारी शासकसे
ह्युल्बादा काप्जि २७ खर्ब छे ।
होरङ्तासि दारेम ह्याङ्से
ब्यङ्तोला पुँजीवादी गणतन्त्र
क्रान्तिला च्याल्दा टाङ्सिनाम
भ्रष्टाचारी, शासकदा ब्यङ्सिनाम
बादोला समाजवादी गणतन्त्र ।

भक्तपुर ।