ज्योमोगाङला कुरि राप्बा ङा
क्यामेरा यारि
तासाइ दृष्य बिमा ग्रेन मुबा मौनता ।
क्लिक... क्लिक...
फ्रेमरि वाङ्ला ज्योमोगाङ
तासाइ आवाङ सेमदा दार्बा ।
थेनोन दुइ
याखारगि भोटे नाकि खाजि,
थेसे न्हा ङातेन ताम पाङ्जि, 
न्हा तिगाइ ङ्योइजि । 
बस, चिजि ङामरि । 
न्हा ओम थेदा थाहा ङा खाला, 
न्हा ओम ङादा थाहा थे खानाङग्याम खाजि ?
तासाइ थे दुइरि,
ङानि ङ्हीनोन
गिक्खेन मुबा...
ज्योमोगाङला साक्षी,
मौन संवादला बोकिन्बा । 
थे ह्रेच्छाक
न्हा फोटोरि वाङ्जि,
न्हा छिगरि । 
तासाइ तिङरि ? 
आम्लेबा मुला । 
थे नाकि निजि, 
ज्योमोगाङ ओस्बान चिजि । 
क्यामेरा बन्द ताजि,
तासाइ
ङाला भावना दातेनोन कोचिबा मुला ।

पोखरा ।

दोःबा : यकिना अगाध