ल्होछार
म्हेमे आखेसे
तेन्सि थान्जि ।
ल्होछार
म्हेमे मामसे
ओन्सि थान्जि ।
दिङ ज्याबारि
खाम च्यापारि
ङ्हाच्छाला ल्हो नुप्चि
छार ल्हो चुजि ।
छार ल्होरि
नाम्सा नाम्सारि
देसान डुडुइ
आकोरगाइ बिसि
म्हेमे आखे क्योङ्से
साङ्गेदा डान्सि
दिम सिल्सि
आलुम, तेमे, गेङ,
दुच्छे, फुल्सि
म्हारमेन म्रासि
दाज्र्यु, लुङ्दार क्यासि ।
क्योङ्दान ज्याबा
तागाइ बिसि
ग्रेन म्हिला
मोलाम तासि
गोइलो क्वान्सि
म्हारम्हेन्दो ख्याप्सि ।
म्हार, ढुङरी
जन्तर, ब्युरू थेन
माठि क्वन्सि
डोन्बो, डोन्छ्यान क्योङ्सि
डाम्फु ह्राप्सि
ह्वाइ कोसि
स्यासि
ज्याबा स्हे चासि ।
ल्होछार
म्हेमे आखेसे
तेन्सि थान्जि
ल्होछार
म्हेमे मामसे
ओन्सि थान्जि ।
ल्होछार
ह्याङ्से छार्नालाइ
ह्याङ्से ल्हेनालाइ
कोेलाकादेदा थेनालाइ
कोलाकादेदा सेनालाइ ।
बासडोल १२, बनेपा ।
२०८२/१०/०५
तपाईको प्रतिक्रिया दिनुहोस