चेमो लाइनुजुगु ! ङानि एन्ना गेरि खाबारि आखाम । एन्ना सेम मुबा ङान्ना मुल्यवान दुइ एन्तेन क्लाङ्सि थाल्गाइ । एन्ना सेम मुबा ङानि एन्तेन क्लाङ्बारि बो किन्गाइ । एन्ना सेम मुबा ङानि एनिह्राङ्बान निष्कलंक दोगाइ ।
चेमो लाइनुजुगु ! ङान्छेन एन्दा पाङ्बा मुबा केवा याखारगि युद्धमैदान हिन्ना, थेरि लड्तिसि चितोला । ङान्छेन हिन्ना हतियार छ्यार्बा स्होबा । ङान्छेन हिन्ना युद्ध तिबा । ङानिन हिन्ना बोमो थेन घृणासे प्लिङ्बा । चेमो लाइनुजुगु ! ङान्छे एन्दा लुबा मुबा ।
चुरि याखारगि ह्रेङ्बा म्हुन मुला । याखारगि सुरुङ ह्राङ्बा । चु ग्याम्से ह्याङ्से म्राङ्खाम्ला माङ्ग्यारला याखारगि बुल्खु दृष्य । ह्याङ्से म्राङ्ला सेबाथाबा थेन क्राबा क्रिङ्बा । लाइनु ङान्छेन हिन्ना एन्दा थेरि पुइबा । ङान्दा माफ लापिन्गो । ङान्छे लुसि पाङ्बा मुबा केवा याखारगि युद्धमैदान हिन्ना ।
चेमो लाइनुजुगु ! केवाम याखारगि उत्सव हिन्ना थेरि एन्ना ङेबाजुगु ल्हेबा ताला । केवाम याखारगि पिङ दोङ हिन्ना थेरिक्यार एनिकादे चराह्राङ फ्याङ्सि छ्याल्चिबारि खाम्तोला ।
तिगाइ व्हाइब्रिखेनजुगुसे बिबा मुला केवा याखारगि प्लोनछ्योङ्बा बल हिन्ना ओम एनिकादे थेला ख्यारख्युर पोप ताबा चन्चल काङ्ह्राङ्बा हिन्ना ।
चेमो लाइनुजुगु ! चोदे एनि चुह्राङ्बा आरे बिसाम चुह्राङ्बा दोनोन तोला ।
भारत ।
(छिगला अर्थः लाइनु– बच्चा, चेमो– प्यारो, केवा– जीवन, लुबा– झुठो, ङेबा– हास्नु)
(दोःबा : यकिना अगाध, स्रोतः भारत–दर्शन हिन्दी स्योस्योग्याम)
तपाईको प्रतिक्रिया दिनुहोस