सिटिजन्स बैंक इन्टरनेसनल लिमिटेडसे ह्राङ्ला गेन्दुनगत सामाजिक उत्तरदायित्व गेताङ न्हाङरि हुम्ला जोङ सर्केगाड गाउँपालिका वडा नं. ३ उनापानीरि बेल्बो १ गते मेल्हागाबरि परतिबा ८ वटा दिमला पीडितकादेदा तोबा राहत चाबास्हे बार्बुस्हेला छ्याम क्वानकादे बोलाबा मुला ।
दिम क्रोसि दिमआरेबा दिमम्हेदा जाजान तासाइ नोन ह्रोलाबारि याङ्मा पीडितकादेला रेगे तिगाइ रेला लागि तासाइ नोन देबाः तासेला विश्वास किन्बा मुला ।
पीडितकादेदा राहत बोलाबा गेताङरि बैंकला कर्णाली प्रदेश सर्केगाड शाखाला प्रमुखला छ्याम स्यान्दो कर्मचारीकादे ओसेम टोलला समाजसेवी, बुद्धिजीविकादेसे बोकिन्बा मुबा । बोलाबा चाबास्हे बार्बुस्हेरि म्ल्हा, दाल, आलु, छ्युकु थेन स्यान्दो बार्बुस्हे ओसेम क्वानजुगु, कुकर, डाडु थेन ब्रा मुला ।
गेन्दुनगत सामाजिक उत्तरदायित्व न्हाङरि बैंकसे चु ङ्हाच्छा नोन ह्युलला ल्होलो ग्लाकादेरि ल्हुइथाङ शिविर संचालन, समुदायिक लोप्खाङ ओसेम लाथानकादेरि ह्रोलाजिन्बा मुला ।
(छिगला अर्थः गेन्दुन– संस्था, जोङ– जिल्ला, बेल्बो– असार, बार्बुस्हे– सामाग्री, देबाः सहज, ल्हुइथाङ– स्वास्थ्य)
तपाईको प्रतिक्रिया दिनुहोस