याम्बु २७ बेल्बो । ज्योति विकास बैंकसे ह्युलला ग्रामिण थुमकादेरि केवा रक्षाक चिकित्सा उपकरणकादेला महत्वदा ध्यानरि थान्सि, काभ्रे जोङ्ला मंगलटार ल्हुइथाङ चौकीरि क्योलोलो केबा लाइनुला ल्हुइला लेप्बादा सन्तुलनरि थान्बारि थेन हाइपोथर्मिया (अल्पताप) ला जोखिमग्याम सोना लाबारि तोबा बेबी वार्मर मेसिन पिन्बा मुला ।

सुरक्षित कोलान्हाबा सेवाला पहुँच दुर्गम थुमरि नोन सुनिश्चित लाबा उद्देश्यसे बैंकसे ह्राङ्ला शाखा आरेबा ग्लाकादेरि सुताइ चुह्राङ्बा आरेनाआताबा ल्हुइथाङ उपकरणकादे पिन्सिकेन खाबा मुला । चु प्रयास बैंकला सामाजिक उत्तरदायित्व न्हाङरि संचालित याखारगि महत्वपुर्ण पहल हिन्ना ।

ज्योति विकास बैंकला पहलरि काभ्रे जोङ्ला रोशी गाउँपालिका वडा नं. ९ ला मंगलटार ल्हुइथाङ चौकीरि बेबी वार्मर थुइबा हिन्ना । गेताङरि ल्हुइथाङ चौकीला पदाधिकारीकादे ओसेम सम्बन्धित थुमला ल्होलो म्हिकादेसे बोकिन्बा मुबा । छ्यामरि, थेनोन दुइसाङरि अस्पतालला डाक्टर, नर्सतेन सम्बन्धित कर्मचारीकादेदा खेन्पोग्याम बेबी वार्मर संचालन सम्बन्धी विशेष तालिम नोन पिन्बा मुबा ।

(छिगला अर्थः ल्हुइथाङ– स्वास्थ्य)