ओखलढुङ्गा ११ गोने । चम्पादेवी गाउँपालिका ५ पोखरेला तामाङजुगुसे घेवारि ङ्योइबास्हे निषेध लाबा मुला । चु नाम्साला सामुदायिक छोबासे सामाजिक विकृति थेन न्होरपा दोइ च्याङ्ना लाबारि घेवारि ङ्योइबास्हे निषेध लाबा निर्णय लाबा हिन्ना ।

समाजसेवी सिंहबहादुर तामाङला आन्सार दाते घेवारि आउदिन ङ्ह्योइबास्हे थुङ्बा कारण माजिङ्बा, झगडा, डोन्बोजुगुदा अपामानजन्य ब्यबहार, आतोबा खर्च थेन दुरि मुबा दिमम्हेदा झान स्हेर काप्बा ह्राङ्बा काक्ता म्राङ्बासे सामुहिक लिरि चु निर्णय लाबा हिन्ना ।

चम्पादेवी गाउँपालिका ५ ला वडाह्रोमि भिमबहादुर तामाङ थेन लोप्खेन सिंहबहादुर तामाङसे चु अभियानला अगुवाइ लाबा मुला ।

(छिगला अर्थः ङ्ह्योइबास्हे– माद्यपान, गोने– साउन, न्होरपा– आर्थिक, माजिङ्बा– कलहा/हल्लाखल्ला, दु– शोक, स्हेर– पीडा, काक्ता– समस्या, ह्रोमि– सदस्य, लोप्खेन– शिक्षक)