एन.आई.सी. एसिया बैंकला ग्राहकदा फ्रन्टलाईन हस्पिटलरि १० प्रतिशत छुट
याम्बु २० गोने । एन.आई.सी एसिया बैंकला ग्राहकजुगुदा नोबल कलेज अफ हेल्थ एण्ड एजुकेसन फाउन्डेसन प्रालि, फ्रन्टलाईन हस्पिटलला ल्होलो सेवाजुगुरि विशेष छुट पिन्बा सम्बन्धी बैंक थेन हस्पिटलगुङरि सम्झौता स्योल्बा मुला ।
चु समझदारीला छ्याम चु बैंकला ग्राहकजुगुसे पुरानो बानेश्वर, याम्बुरि मुबा फ्रन्टलाईन हस्पिटलरि ल्होलो साप्तो किन्सि डिजिटल भुक्तानी लामा १० प्रतिशत छुट याङ्बारि खाम्सेला मुला ।
थे सम्झौतास्योरि बैंकला तिलोसे डिजिटल पेमेन्ट इकोसिस्टम ग्रेन्पो बिमल लम्साल थेन फ्रन्टलाईन हस्पिटलला तिलोग्याम क्लिनिक प्रेसिडेन्ट डा. योगेश न्यौपानेसे हस्ताक्षर लाबा मुला ।
चु सुविधा किन्बाला लागि ग्राहकजुगुसे बैंकला डेबिट कार्ड, क्रेडिट कार्ड व्हा प्रिपेड कार्ड प्रयोग लासि व्हा मोबैंक ‘यद्यबलप’ एपग्याम भुक्तानी लातोसेला मुला ।
ह्रोतेन ग्रेन्पो गेअधिकृत अर्जुनराज खनियाला आन्सार फ्रन्टलाईन हस्पिटल छ्यामला चु छ्यागेसे बैंकला ग्राहकजुगुदा ल्हुइथाङ क्योन्बारि ह्रोताबाला छ्याम ह्युलला डिजिटल भुक्तानी साप्तोदा ल्हेछ्या लासि नगद आरेबा कारोबाररि ह्रोतासेला बैंकसे विश्वास किन्बा मुला ।
(छिगदोनः स्योल्बा– सम्पन्न, साप्तो– सेवा, तिलो– पक्ष, ग्रेन्पो– प्रमुख, छ्यागे– सहकार्य, ल्हुइथाङ– स्वास्थ्य, क्योन्बा– उपचार, गोने– साउन, ल्हेछ्या– संबर्धन)
तपाईको प्रतिक्रिया दिनुहोस