हेराङ । ग्याल्साङ लोक ओसेम दोहोरी व्हाइ प्रतिष्ठान नेपाल हेराङ जोङ गेदाछोकला ब्लिछा जोङ छेजोमग्याम चोहोरि दोसिन मिठाराम के.सी.दा दाम्बा मुला । प्रतिष्ठान स्हेङ्बा दुइहेन्सेन के.सी.लान नेतृत्वरि क्रियाशील मुला । गेताङ बागमती प्रदेशला सानाम ओसेम सेम्चेनज्याबि  फेल्गेबा ब्लोन मधुसूदन पौडेलला ग्रेनडोन्बोरि ताबा मुबा ।

गेताङरि ब्लोन पौडेलसे सानाम आधुनिक थेन आकर्षक स्होबारि सिर्जनात्मक गेताङजुगुला महत्वपूर्ण भूमिका तासेला बिबान सानाम ल्हेछ्यारि ह्रोतेन ताबा लासि दोहोरी प्रतियोगिताला छ्याम रिमठिमकि गेताङजुगु सञ्चालन लाबारि सुझाव पिन्जि । थेसे चुह्राङ्बा गेताङसे सानाम ब्लोनखाङ थेन प्रतिष्ठान गुङरि छ्यागेला छार ग्याम ठ्वाङ्ला बिसि पाङ्जि ।

केन्द्रिय दाछोकला सर्कुलर आन्सार कामरे ह्युलला मुतेबा जोङ दाछोक ओसेम थेन्हाङ्ला संरचनाजुगुला छेजोम नोन सफलतापूर्वक थुम्ना लाबा गेताङला डोन्बोछेन प्रतिष्ठानला केन्द्रिय ह्रोमि ओसेम कलाकार कुशल बेलबासे ग्रादाङ पिन्जि ।

छेजोमसे चोहोरि मिठाराम केसी, स्यानचोहोजुगुरि विदुर घिमिरे थेन गोबिन्दप्रसाद घिमिरे, जामेकोला स्यानचोहोरि पुष्पा लामिछाने, गाउराइरि दिपक बजगाईँ, छ्यागाउराइरि बिरबल स्याङतान, न्होरचोहोरि दिनेश खड्का, छ्यान्होरचोहोरि लक्ष्मणप्रसाद दुलाल दाम्बा मुला ।

ह्रोमिजुगुरि गीता घिमिरे, शर्मिला थापा मगर, रामप्रसाद घिमिरे, शिवप्रसाद घिमिरे, सुन्तली खड्का, हुद्दराज घिमिरे, कृष्णहरी सिल्वाल, सीता नेपाली, रेवतीप्रसाद दाहाल, बलराम महत, लेखा बजगाईँ, बाबुकृष्ण सापकोटा, रुपा नगरकोटी, केदारप्रसाद सापकोटा, गणेशकुमारी चौँलागाईँ, कोपिला कार्की घिमिरे थेन गोमा सञ्जेल दाम्बा मुला ।

(छिगकि दोनः हेराङ– ललितपुर, ग्याल्साङ– राष्ट्रिय, गेदाछोक– कार्यसमिति, छेजोम– अधिवेशन, सानाम– कृषि, सेम्चेनज्याबि– पशुपन्छी, फेल्गेबा– विकास, ब्लोन– मन्त्री, नाम– पेशा, ल्हेछ्या– प्रबर्धन, ह्रोतेन– सहायक, रिमठिमकि– सांस्कृतिक, ब्लोनखाङ– मन्त्रालय, छ्यागे– सहकार्य, डोन्बोछेन– विशेष अतिथि, ह्रोमि– सदस्य, ग्रादाङ– जानकारी, स्यानचोहो– उपाध्यक्ष)