सिन्धुपाल्चोक, नाम्दुङ २८ । सिन्धुपाल्चोकलो मेलम्चीरि ल्हुइकि अपाङ्गता ताबा बिजाबुमोला लागि दोन्डुबकि लक्षित घुम्ती शिविर सम्पन्न भएको छ। विकलाङ्ग मित्र समूह तथा अपाङ्ग बाल अस्पताल तथा पुनस्र्थापन केन्द्र (एचआडिसी) बनेपा, काभ्रेपलाञ्चोकला आयोजनारि १८ दिङ दोनाला बिजाबुमोला लागि ल्हुइकि ल्हुइथाङ परीक्षण, सहायक बार्बु नापजाँच ओसेम पुनस्र्थापन साप्तो पिन्बा हिन्ना ।

शिविररि अपाङ्ग बिजा अस्पताल ओसेम पुनस्र्थापन केन्द्रग्याम खाबा अनुभवी चिकित्सकजुगुसे साप्तो पिन्बा मुबा । मेलम्ची नगरपालिका थेन पाँचपोखरी थाङपाल गाउँपालिकाला ल्होलो वडाग्याम खाबा क्योङ ७५ म्हेसे साप्तो किन्बा मुबा ।

मेलम्ची नगरपालिकाला जामेकोला, बिजाबुमो थेन ज्येष्ठ नागरिक शाखाला ग्रेन्पो लक्ष्मी परियारला आन्सार साप्तो किन्बा गुङ्ला १८ म्हे वयस्क, ४० म्हे अनुगमनरि मुबा थेन १७ म्हे छार ङोसेबा बिजाबुमो मुला ।

शिविरग्याम सहायक ओसेम गमनशील बार्बु नोन बोठाबा मुबा । थेरि याखारगिदा बैसाखी, ४ म्हेदा वाकर, १ म्हेदा लम्बर बेल्ट, ३ म्हेदा काडि, १ म्हेदा कुल्बा मेच ओसेम १ म्हेदा एल्बो बैसाखी पिन्बा गेन्दुनला सुपरभाइजर टिका विकसे ग्रादाङ पिन्जि ।

सहायक बार्बुला लागि १७ म्हेला नापजाँच लाबा मुला बिसाम १३ म्हेदा शल्यक्रियाला लागि सिफारिस लाबा मुला । ४ म्हेदा परीक्षणला लागि सिफारिस लाबा गेन्दुनसे उन्पाङ्बा मुला ।

मेलम्ची नगरपालिकाला स्यानग्रेन्पो उमा प्रधान, वडा नं. ११ ला चोहो चन्द्रबहादुर तामाङ, ल्हुइथाङ शाखा ग्रेन्पो परशुराम श्रेष्ठतने स्यान्दोजुगुला बोकिन्बारि शिविरला ठ्वाङ्सेन लाबा मुबा ।

(छिगकि दोनः स्योल्बा– सम्पन्न, ल्हुइकि– शारीरिक, बिजाबुमो– बालबालिका, दोन्डुबकि– लक्षित, ल्हुइथाङ– स्वास्थ्य, बार्बु– सामाग्री, साप्तो– सेवा, म्हे– जना, ग्रेन्पो– प्रमुख, गेन्दुन– संस्था, ग्रादाङ– जानकारी, उन्पाङ्बा– जनाएको, स्यानग्रेन्पो– उपप्रमुख)