दार्से ङाइ
ह्राङ्दान म्हाइबाकेन मुला
ङाइ ङादान
ल्हानान चेगाइ लाला
थेतासि ङादा
ङाला डान्बा ल्हानान खाला ।
दुइदा ङाइ ङोआसेबा
बिसे व्हा
दुइसे ङादा
खानाङए हाल्बा ह्राङ्बा
खानाङए गुर्बा ह्राङ्बा
तिगाइ पोर मिबा ह्राङ्बा
दुनियासे प्लेन ताना लासाइ नोन
दुइसे फेना लासाइ नोन
दार्से ङा ह्राङ्दान
ङाला डान्बा ल्हानान खाला ।
पाङ्सि नोन छाक टारतिमुबा ङाइ
ङेसि नोन
सेम गोना लामुबा
रे थामुबा ङाइ
स्हेर, स्हुरि सहज
स्विकार लामाहेन्से
दार्से ङा ह्राङ्दान
ङाला डान्बा ल्हानान खाला ।
खानाङए ताम पाङ्सि आब्लाप्बा ङा
मौन तासि चिबा नोन
ग्रेन काइ ताबा चिम ।
निबाम ग्युरु आहिन
हान्डोन निबा मुबा
ल्हागाङला सिम्बा आहिन
तराईला गोङ्बा
तिङ चाबा सिम्बा वाङ्चिम
दुसि नोन आनिबा
लेप्सि नोन आनिबा
ख्राङ्मा जेक्खे निबा
म्हान्बाकेन मुला ।
(छिगकि दोनः चेगाइ– माया, हाल्बा– अल्झेको, मिबा– बल्झेको, याकार म्हान्बा– एक्लोपन, ल्हागाङ– पहाड, गोङ्बा– कठ्यांग्रिदो)
दोःबा : यकिना अगाध
तपाईको प्रतिक्रिया दिनुहोस