Ambassadors Football Nepal तेन लोप्बारि बिजा प्रतिभा
हेराङ । बिजाबुमोला फुर्सदला दुइदा सही छ्योरि उपयोग लाबा दोन्ताला छ्याम सन्चालन लाबा फुटबल प्रशिक्षण गेताङ प्रभावकारी स्ह्रुगरि स्योल्बा मुला । Ambassadors Football Nepal ‘AFN’ ग्याम सन्चालन लाबा क्याम्परि ल्होलो थुमला बिजाबुमोजुगुसे उत्साहजनक बोकिन्बा मुबा ।
बागमती गाउँपालिका वडा नम्बर ४, प्युटाररि मुबा श्री कालिदेवी माध्यमिक लोप्खाङरि खेडोब लाचिबा लोप्खेन आरोन ब्लोन नोन थे क्याम्परि बोकिन्सि प्रशिक्षकजुगुग्याम ह्रेवाकि ओसेम प्राविधिक फुटबल सीपजुगु लोप्बा मुला । क्याम्प दुइनाङ बिजाबुमोजुगुसे दानस्हिहेन्से उन्नत स्तर दोनाला प्रशिक्षण किन्म्याङ्बा मुला ।
प्रशिक्षणला ताङरि क्लाङ्छ्योङला छ्याम अनुशासन, आत्मविश्वास, धैर्यता थेन टिमवर्क ह्राङ्बा केवा उपयोगी सीप फेल्गेबारि सुताइ बाङ पिन्बा आयोजकसे उन्पाङ्बा मुला । चुसे बिजाबुमोला मुतेबा व्यक्तित्व फेल्गेबारि सकारात्मक प्रभाव परतिसेला विश्वास किन्बा मुला ।
आयोजकला आन्सार चुह्राङ्बा क्याम्पजुगुसे बिजाबुमोदा मोबाइल ओसेम स्यान्दो डिजिटल स्हेग्याग्याम तिगाइ दुइ थारेङ थान्बान सिर्जनात्मक थेन सक्रिय केवाज्यो व्हना प्रेरित लाबा गे लासेला मुला । छ्यामरि, प्रतिभा ङोसेबा थेन फेल्गेबाला लागि चुह्राङ्बा गेताङजुगु महत्वपूर्ण दाःन दोसेला पाङ्बा मुला ।
चु क्याम्पसे बिजाबुमोला छुट्टीदा उपयोगी, प्रेरणादायी थेन लोप्बा अनुभवरि पोरग्युबारि सफल ताबा बोकिन्बा ओसेम अभिभावकजुगुला प्रतिक्रिया मुला ।
(छिगकि दोनः हेराङ– ललितपुर, बिजा– बाल, बिजाबुमो– बालबालिका, छ्यो– दिशा, दोन्ता– उद्देश्य, स्योल्बा– सम्पन्न, खेडोब– अध्ययण, लोप्खेन– विद्यार्थी, ह्रेवाकि– व्यवहारिक, दानस्हि– आधारभूत, क्लाङ्छ्योङ– खेलकुद, केवा– जीवन, फेल्गेबा– विकास, उन्पाङ्बा– जनाएको, स्हेग्या– माध्यम, केवाज्यो– जीवनशैली, व्हना– तर्फ, दाःन– आधार, पोरग्युबा– रुपान्तरण)
तपाईको प्रतिक्रिया दिनुहोस