खोपोङ । नेपाल मजदुर किसान पार्टीला ब्रेछा केन्द्रीय महाधिवेशनसे नारायणमान विजुक्छेँ (रोहित)ला चोहोदानरि छार कार्यसमिति स्होबा मुला ।

बेने १६ गते खोपोङला सल्लाघारीरि ठ्वाङ्सेन लाबा महाधिवेशन २० गते थुम्बा मुबा । ब्लि रे दोना ताबा बन्दसत्रसे गोर ब्लि वैकल्पिक केन्द्रीय ह्रोम्हिला छ्याम ३३ म्हेन्दो छारकार्यसमिति स्होबा हिन्ना ।
 
छारकार्यसमितिला गाउराइरि प्रेम सुवाल, न्होरचोहोरि मोहनप्रसाद प्रजापतिदा दाम्बा मुला ।

छारकार्यसमितिला केन्द्रीय ह्रोम्हिजुगुरि सुनिल प्रजापति, नन्दबहादुर शाही, डिल्लीप्रसाद काफ्ले, नवराज कोइराला, जग्यबहादुर शाही, नारायण महर्जन, सरोजराज गोसाइँ, उकेश कवां, सनकमान महर्जन, खगेन्द्रबहादुर शाही, कृष्णकुमार वैद्य थेन सुरेन्द्रराज गोसाइँ सर्वसम्मत दाम्बा मुला ।

चुह्राङ्नोन लासि रवीन्द्र ज्याख्व, अनुराधा थापामगर, कमलमैया सुवाल, हरिसुन्दर बासी, राजवीर डङ्गोल, सिर्जना सायजू, सरोजकुमार साह, कृष्णबहादुर तामाङ, मुक्ति यादव, योगेन्द्रमान बिजुक्छें, बखत थापा, रमेशकुमार रावल, केशेन्द्र प्रकाश कार्की थेन खड्गराज शाही केन्द्रीय ह्रोम्हि दाम्बा मुला ।

महाधिवेशनसे मन्जु चौधरी, विनोद विक, तुल्सी खड्का थेन प्रकाश गुरूङदा वैकल्पिक केन्द्रीय ह्रोम्हि दाम्बा मुला ।

अधिवेशनसे प्रदेशला प्रमुखकादे नोन दाम्बा मुला । सुनिल प्रजापति– मधेश प्रदेश, ओम गौराईदा थेन प्रेम सुवाल– बागमती प्रदेश, उकेश कवां– कोशी प्रदेश, डिल्लीप्रसाद काफ्ले– गण्डकी प्रदेश, सरोजराज गोसाईं– कर्णाली प्रदेश, हरिसुन्दर बसी– लुम्बिनी प्रदेश, नवराज कोईराला– सुदुरपश्चिम प्रदेशला जिम्मेवारी पिन्बा मुला ।