नेपाल तामाङ घेदुङ थेन नेवा दय दवुसे ग्योइ दिङ्साङरे दाङ्बान
याम्बु । बागमती प्रदेशरि तिनि प्रदेश ग्योइ दिङसाङ रे दाङबान मुला । प्रदेश सरकारला सरकारि गेला ग्योइला लिरि तामाङ थेन बाइ ग्योइ लागू ताबा रेदा डान्बान ग्योइ दिङ्साङ रे दाङगे लाबा हिन्ना ।
चुनोन दुइसाङरि तिनि प्रदेशक्योङ सार्वजनिक बिदा पिन्बा मुला ।
निबा दिङ दुगु (वैशाख) २४ कुनु प्रदेश सरकारला गेला ग्योइ– २०८० कार्यान्वयनरि खाबा मुबा । थेलिच्छा नेपालि थेन तामाङ छ्यामरि बाइ ग्योइदा बागमति प्रदेशला सरकारि गेला ग्योइ स्होबा हिन्ना ।
ग्योइ दिङ्साङ रेला दुइसाङरि तिनि बागमती प्रदेश रिमठिम थेन पर्यटन मन्त्रालयसे प्रदेश राजधानि हेटौडारि विषेश गेताङ लाबान मुला ।
याम्बुरि नोन नेपाल तामाङ घेदुङ थेन नेवा दय दवुसे गेताङ लाबान मुला । शान्तिबाटिकारि स्ह्योरि ग्योइ कार्यन्वयन लाबादा दबाब पिन्बान ब्यानर थेन प्लेकार्ड ओन्बालिच्छा इन्द्रचोकरि दोसि कोणसभा लासेला मुला ।
ओराङनोन लासि ङ्यासे यम्बुला सिंगुन, खस्र्योर थेन हेराङला मंगलबजाररि नाङसाल म्राबा गेताङ लासेला नेपाल तामाङ घेदुङसे पाङ्बा मुला ।
तपाईको प्रतिक्रिया दिनुहोस