याम्बु १३ ड्वाफ्रे । त्रियान बौद्ध समाजले सिम्बुला भगवान पाउरि ङिस रेला दिङ दाङ्से काग्युर डोबा थेन प्रज्ञा पारमिता छ्योकुला ठोङ्सेन लाजि ।

दिङ्दाङसे सागा दावारि स्हेङ्सि हाबा गेताङ समाजला चोहो इन्द्र घिसिङ (लामा पेमा)ला चोहोदानरि ताबा हिन्ना । ग्रेनडोन्बो नेपाल विद्युत प्राधिकरणला ङ्हाच्छाला गेकाठाक्पा कुलमान घिसिङसे गेताङ्ला ठोङ्सेन लाबा मुबा ।

कलर अफ नेपालरि उमेश लामासे स्याङ्बा गेताङरि विशेष डोन्बो लामा ङावाङ मुबा । गेताङरि स्यान्दो डोन्बोकादे इन्सपेक्टर फूलमाया घिसिङ, छुल्ठिम लामा, ब्रिखेन हिरामाया घिसिङ, काठमाडौं महानगरपालिका वडा नं. १५ ला वडाचोहो ईश्वरमान डंगोलसे ज्याबाम्हान्बा सेमताम थान्बा मुबा ।

(छिगला अर्थः गेकाठाक्पा– कार्यकारी निर्देशक, सेमताम– मन्तव्य)