सिन्धुपाल्चोक, ङावाङ तेन्पि ङिमा रिन्पोछे (गोसार टुल्कु) ला मिनरि बिशेष गेताङ स्होजि । छ्योइफेल केन्देलिङ गोन्बोरि ह्रिस्याङ्गोला लामाजुगुसे बिशेष गेताङ ड्वाफ्रेला छेपा चुख्रिक (११) कुनु स्हेङ्बा हिन्ना ।
ह्रिस्याङ्गो, धदिङ, आन्दरबुङ थेन ङामस्हुरला लामाकादेसे गोसार टुल्कुदा गुरुला लिरि थान्बा मुबा । निबा दुगु (बैशाखला) ५ गते बोगाल ब्लि (८०) ला दिङरि याम्बुरि डोङ्बा मुबा बिसाम १५ गते कुनु सिन्धुपाल्चोक भोटेकोशी नाम्सापालिका–१ बागाङरि बोर्सि पुज्र्याङ्बा मुबा ।
गुरु डोङसि बोगाल ब्लिसे कु (४९) रे छ्योबाला दुइसाङरि छ्योबा, म्हेन्डल, म्हार्मे, छोग, ल्होलो ल्होलो मोलाम लासि गेताङ स्हेङ्बा छ्योइफेल केन्देलिङ गोन्बोसे तामसोर पिन्बा हिन्ना ।
तपाईको प्रतिक्रिया दिनुहोस