नुवाकोट ६ बेल्बो । तादी गाउँपालिकासे तिनि ‘क्योङ खोप सुनिश्चितता पालिका थेन दिगोपना घोषणासभा– २०८२’ गेताङ स्हेङ्जि । गेताङ गाउँपालिका चोहो सन्तमान तामाङला चोहोदानरि ताबा मुबा ।

गेताङला विशेष डोन्बोजुगुरि ह्रोचोहो सन्जु प्याकुरेल, प्र.अ.अ. ध्रुव खनाल, वडाचोहोकादे, ह्युल्बाल्हुइथाङ गेदिम, नुवाकोटला खोप अधिकृत अमृत महर्जन, खरानीटार अस्पतालला मे.सु. डा. एरीका कार्की, ईलाका प्रहरी गेदिमला प्रहरी निरीक्षक जयन्ती थापा, ल्हुइथाङ संयोजक बासुदेव श्रेष्ठ मुबा ।

गेताङरि कार्यपालिका ह्रोम्हिकादे, तादी गाउँपालिका न्हाङ्ला ल्हुइथाङ गेन्दुनला ल्हुइथाङम्हिकादे, गाउँपालिका न्हाङ्ला ल्हुइथाङ स्वयंसेविकाकादेसे बोकिन्बा मुबा ।

गेताङरि ल्हुइथाङम्हि थेन स्वयंसेविकाकादेदा डेन लाबा मुबा बिसाम ह्रेङ्बा दुइहेन्से ल्हुइथाङ स्वयंसेविका दोसि गेलासि निवृत्त ताबा स्वयंसेविकाकादेदा ५० तोङ्जा न्होर थेन कदरस्यो पिन्बा मुबा ।

(छिगला अर्थः बेल्बो– असार, ल्ह्युल्बाल्हुइथाङ– जनस्वास्थ्य, गेदिम– कार्यालय, ल्हुइथाङ– स्वास्थ्य, ह्रोम्हि– सदस्य, गेन्दुन– संस्था, ल्हुइथाङम्हि– स्वास्थ्यकर्मी, तोङ्जा– हजार, न्होर– आर्थिक/रुपैयाँ, स्यो– पत्र)