दोबाटोरि गिक्खे खेप्पासे या प्रिम्जि गाङ लाबान पाङ्जि– ‘दारेम तिलाइ लाइ ।’
छाङमान बटुवाकादे ह्राङ्ह्राङला तोसोरि मुबा । कादेसे ङ्यान्जि, कादेसे आङ्यान्नि, था आतानि ।
लिच्छारि ताम पाङ्मा खेप्पासे यारि हेन्डमाइक चुङसि ङ्हाज्याङ काइरि पाङ्जि– ‘दारेम... लाइ ।’
तिलाइ दुइ ङ्हाच्छाला काइ थेन दात्तेला काइरि फेबा मुबा । ओजान म्हिसे ताम पाङ्बा ।
बटुवाकादे माइकला काइसे छिन्नाङ थेनताजि । ताम पाङबाला कद ठिक्कला, कोट, पाइन्ट थेन टाइरि छोबा ल्हानान भलादमी चाल्बाला मुबा । थेला व्यक्तित्वसे नोन पाङ्बा मुबाकि थेसे तिलाइ छार ताम पाङ्बाइगे मुला ।
खाराङबा उदेक ओजान छिग, ओजान सुङ बिसाइ दुइला फेबासे लामा दात्ते थेला ताम ङ्यान्बारि छाङ्मान उत्सुक ताजि ।
दोःबा : ईश्वर थोकर
तपाईको प्रतिक्रिया दिनुहोस