याम्बु १६ बेल्बो । अल्ट्रा रनर रसिला तामाङसे ‘माउन्ट पोपा अल्ट्रा म्याराथन’ ला उपाधि डाबा मुला । म्यानमाररि ताबा ५० किलोमिटर थारेङला अल्ट्रा रनरि रसिलासे ह्रेमकोला छ्योङ्बा (धावक)कादेदा सुताइ ग्याप्से ख्लासि ओभरअलरिन गिक्छा ताबा हिन्ना ।
सन् २०२३ रि ताबा एसिया ट्रायल मास्टर्स जामेकोला च्याम्पियनसिपरि गिक्छा ग्ला डासि दोङराप स्होबा रसिलासे ६ घन्टा १८ मिनेट ५१ सेकेन्डरि छ्योङ्बा छ्योना लाबा मुबा । रसिलासे डामाहेन्से कोरोस घडीला छ्याम स्यान्दो गिफ्ट ह्याम्पर याङ्बा मुबा । थेनोन थारेङ (दुरी)रि ह्रेमकोलाग्याम गिक्छा ग्ला डाबा पाइङ ओलेसे सात घन्टा ३८ मिनेट ४२ सेकेन्ड दुइ ल्हागाब लाबा मुबा ।
जामेकोला ग्याम ङ्हीछा ताबा यीयीसे ९ घन्टा ९ सेकेन्ड छ्योङ्बा छ्योना लाजि । साराह सेङ सोमछा ताजि । ह्रेमकोला ग्याम ज्याक स्पिड ङ्हीछा थेन अङ टुन लिन सोमछा ग्लारि चिजि ।
चु डामाहेन्से रसिला अक्टोबर ४ तारिखरि भियतनामरि ताबा एटीएम च्याम्पियनसिप फाइनलरि दाम्बा मुला । रसिलासे डाबालिच्छा ओभरलरिन डामा आउदिन ताङ्बा बिसि पाङ्जि । थेसे व्यवस्थित लिरि रेस स्हेङ्बा बिसि स्हेङ्खेनला प्रशंसा नोन लाबा मुबा ।
तपाईको प्रतिक्रिया दिनुहोस