मन्त्रालयकादेसे ग्रा आपिन : सुरजचन्द्र लामिछाने, लोन्पो/प्रवक्ता बागमती सरकार
सौराहा २१ बेल्बो । बागमती प्रदेश सरकारला प्रवक्ता ओसेम आन्तरिक मामिला थेन ठिमलोन्पो सुरजचन्द्र लामिछानेसे ग्रा किन्बापिन्बारि मन्त्रालयकादे गुङरि समन्वय आताबा गुनासो लाबा मुला ।
प्रदेश ग्राला हक पुनरावेदन समितिला ङ्योइसाङरि सौराहारि कामरे ग्राला हक ल्हेछ्या गेताङला ठ्वाङ्सेन लाबान लोन्पो लामिछानेसे प्रदेशला मन्त्रालयकादेसे ह्राङ्ला मन्त्रालयदा ग्रा आपिन्बा पाले ल्हागाब लाजि ।
‘प्रदेश सरकारला आन्तरिक मामलिा थेन ठिमलोन्पो प्रवक्ता हिन्ना । प्रवक्तासे नोन मुतेबा मन्त्रालयला ग्रा आयाङ । खाराङ्लासि स्यान्दोदा ग्रा पिन्से ?’ थेसे पाङ्जि ।
लोकतन्त्ररि ग्रा याङ्बा ह्युल्बाला नैसर्गिक याङ्ताम ताबा बिबान लोन्पो लामिछानेसे ह्युलरि सुशासन कायम लाबारि नोन ग्रा पारदर्शी थेन निसालदेही तातोबा सेमताम थान्जि ।
गेताङरि मन्त्रालयला गाउराइ कृष्णबहादुर शाहीसे ग्रा याङ्बा ह्युल्बाला नैसर्गिक याङ्ताम ताबा पाङ्जि । मन्त्रालयला स्यानगाउराइ भुवन आचार्यसे ग्राला हक स्थापित लाबारि ग्राला परीक्षण जरुरी मुबा पाङ्जि ।
(छिगला अर्थः ग्रा– सूचना, बेल्बो– असार, ठिम– कानुन, कामरे– शनिबार, ल्हेछ्या– प्रबर्धन, पाले– आरोप, याङ्ताम– अधिकार, गाउराइ– सचिव, स्यानगाउराइ– उपसचिव)
तपाईको प्रतिक्रिया दिनुहोस