हेटौंडा ३० बेल्बो । बागमती प्रदेश सरकारला ह्रोरि बागमती प्रदेशस्तरीय प्रहरी अस्पताल स्होबारि तिबा मुला । हेटौंडा उपमहानगरपालिका १७ ला हटियारि स्होसेला बागमती प्रदेश प्रहरी अस्पतालला बागमती प्रदेशला आन्तरिक मामिला ओसेम ठिमलोन्पो सुरजचन्द्र लामिछानेसे मिरे ठ्वाङ्सेन लाजि ।

अस्पताल ठ्वाङ्सेन लिच्छा लोन्पो लामिछानेसे अस्पताल स्होबालिच्छा प्रहरी कर्मचारीतेन स्थानीय म्हिकादे लाभान्वित तासेला पाङ्जि ।

गेताङरि बागमती प्रदेश प्रहरी गेदिम, हेटौंडाला प्रहरी नायब महानिरीक्षक अरुण पौडेल, मकवानपुरला ग्रोन्पो जोङ अधिकारी स्किम श्रेष्ठ, हेटौंडा उपमहानगरपालिका १६ ला वडाचोहो रामकृष्ण कोइराला, वडा नं. १७ ला वडाचोहो उद्धव सत्यालतेन स्यान्दोकादेसे बोकिन्बा मुबा ।

बागमती प्रदेश प्रहरी गेदिमग्याम कार्यान्वयन तासेला आयोजना न्हाङला अस्पताल ख्राङ्गारि बहिरङ्ग विभागला कक्ष, कर्मचारी चिबाग्ला, अस्पताल ख्राङ्गा ह्रोइबा, डिप बोर्डिङ, पार्किङतेन अस्पतालला संरचनाकादे गिक्छारेमरि स्होसेला मुला ।

प्रदेशला आन्तरिक मामिला ओसेम ठिम मन्त्रालयग्याम बिनियोजित बजेटग्याम सुविधा मुबा ३० वटा तिसाला अस्पताल स्होबा योजना आन्सार गिक्छा रेमरि १६ तिसाला अस्पताल खाबा २०८३ तापा १८ गते न्हाङरि साइ ल्हेबा करतेन ८ करोड ३ बुम ७१ तोङ्जा ७८३ रुपैयाँ लागतरि अस्पताल भवन स्होबा लासि स्होबा कम्पनीतेन सम्झौता ताबा हिन्ना ।

अस्पताल भवनला लिच्छाला रेमला स्होबा छ्योमाहेन्से अन्तरंग थेन बहिरंग सेवा संचालन लासेला प्रदेश अस्पतालला चिकित्सक प्रहरी नायब उपरीक्षक डा. प्रयास बिडारीसे जानकारी पिन्जि । दाते बागमती प्रदेश प्रहरी अस्पतालसे हेटौडा १५ ला रातेमाटे गणग्याम प्रहरी कर्मचारीदा ल्हुइथाङ सेवा पिन्सिकेन खाबा मुला ।

(छिगला अर्थः तिसा– शैय्या, ठिम– कानुन, मिरे– मंगलबार, गेदिम– कार्यालय, ग्रेन्पो– प्रमुख, लोप्डा– कक्ष, तापा– पुष, बुम– लाख, तोङ्जा– हजार, ल्हुइथाङ– स्वास्थ्य)