याम्बु २ गोने । नेपाल आदिवासी जनजाति स्योमि गेन्दुनछेन (फोनिज)ला संघीय ग्रोइपारि १३ म्हे स्योमि ओसेम म्हिखेन मनोनयन ताबा मुला । फोनिज संघीय सचिवालयला सुङरे चिबा चिसाङसे थेन्दा मनोनयन लाबा हिन्ना ।
फोनिज संघीय चोहो लक्की चौधरीला चोहोदानरि चिबा चिसाङसे ग्रोइपा समितिला थुछापारि ङ्हाच्छाला चोहो गजुरधन राईदा मनोनयन लाबा मुला । फोनिजला विधान आन्सार ङ्हाच्छाला चोहो ग्रोइपा समितिला थुछापा थान्बा प्रावधान मुला ।
ग्रोइपा समितिला ह्रोमिकादेरि ङ्हाच्छाला चोहोजुगु चन्द्रसिंह कुलुङ, खिम घले, मोहनसिंह लामा, डण्ड गुरुङदा मनोनयन ताबा मुला । स्यान्दो ग्रोइपाजुगुरि उजीर मगर, मनोज घर्ती मगर, भैरव आङ्ला, अमरध्वज लामा, शान्ति गुरुङ, पुस्करभक्त माथेमा, सुकदेव चौधरी थेन पासाङ काजी शेर्पा मनोनयन ताबा मुला ।
चिसाङसे लेखा समितिला आछ्योबा ह्रोमिरि मन्जु तामाङदा मनोनयन लाबा मुला । अनुशासन समितिला थुछापारि निम्लिकी शेर्पा, ह्रोमिजुगुरि सन्तोष दहित थेन पूर्णिमा शाक्यदा मनोनयन लाबा मुला ।
निबा नाम्दुङ २९ थेन ३० गते ताबा फोनिजला ब्रेछा छोजोमछेनसे छार कार्य समिति दाम्बा मुबा । फोनिजला ४९ ह्रोमि संघीय समिति थान्बा डिछ्या मुला । चुह्राङ्नोन लासि चिसाङसे फोनिजला २५ छा दिङ्साङ ग्रेनलिरि दाङ्बा निर्णय लाबा मुला ।
(छिगला अर्थः ग्रोइपा– सल्लाहकार, म्हे– जना, गोने– साउन, स्योमि– पत्रकार, गेन्दुनछेन– महासंघ, म्हिखेन– व्यक्तित्व, सुङरे– शुक्रबार, थुछापा– संयोजक, ह्रोमि– सदस्य, छोजोमछेन– महाधिवेशन, डिछ्या– व्यवस्था)
तपाईको प्रतिक्रिया दिनुहोस