याम्बु १६ यान्दे । नेपालला माउलिक रोधी रिमठिमदा आधुनिक डोन्बोतेन थुछाबा लाबा दोन्ताला छ्याम स्हेङ्बा रोयल नेपाल रोधी क्लबसे ह्राङ्ला गिक्छा दिङ्साङ भव्य ज्योरि तेन्बाकेन मुला । लाजिम्पाटला क्लबसे यान्दे १८ गतेहेन्से २२ गतेदोना ङ्हारेला विशेष गेताङ लासि दोङ्साङ काप्तोनदा काप्तोनमय स्होबा तयारी लाचिबा मुला । 
‘नेपाललान गिक्छा विलासी दोहोरी रेस्टुरेन्टला स्ह्रुगरि ङोसेबा चु क्लबसे दिङ गिरि ह्रोल्ज्याङ्न्ना गेताङ, ब्रोइखाबा चाबास्हे, प्रिमियम बार थेन तोच्चातादाला साप्तोग्याम डोन्बोला सेम डासिकेन खाबा मुला’, प्रबन्ध काठाक्पा सुनिल छेवाङ लामासे बिजि, ‘क्लबसे गिक्छा दिङ्ला उपलब्धिदा नेपाली ज्योस्हिङ, रिमठिम थेन आधुनिक डोन्बोला विलासी छ्योल्बाला स्ह्रुग प्रस्तुत लाबा तयारी लाबा मुला ।’ 

दिङ्साङ काप्तोनला ठ्वाङ्सेन नेपाली कांग्रेस जोङ चोहो ओसेम बागमती प्रदेश सांसद् ओसेम ङ्हाच्छाला ब्लोन तीर्थ लामाग्याम तासेला संचालक दाछोकसे उन्पाङ्बा मुला ।

ङ्हारेला गेताङ :

दिङ्साङ काप्तोन दुइनाङ मुतेबा रे चर्चित कलाकारजुगुसे प्रस्तुती पिन्सेला मुला । दोहोरी ओसेम साह्रोल्ज्याङला लाइभ प्रस्तुति, सांस्कृतिक स्याबा, ङेक्यालो, लक्की ड्र, पुरस्कार बोठाबा थेन लेट नाइट डीजे सेसन लाइभ सुताइ तासेला मुला । क्लबसे ङ्यासे ७ ङ्ह्यामाग्याम ल्होलो ह्रोल्ज्याङ्न्ना प्रस्तुतीरि दिङ्साङकाप्तोन दाङ्सेला मुला । 
दिङ्साङकाप्तोनला गिक्छा रे चर्चि लोकदोहारी काइपा राजु परियारला छ्यामरि मनोरन्जन किन्बारि खाम्सेला मुला । ङिछा रे थेनोन दुइरि चर्चित काइमो ज्योति मगर, सोमछा रे साकाइपा पशुपति शर्माला छ्यामरि मनोरन्जन तासेला मुला । सोमछा रे अर्थात् यान्दे २१ गते बिसाम विशेष शोग्याम तामाङ सेलो प्रस्तुती तासेला मुला । तामाङ सेलोरि चर्चित गायक रोज मोक्तान, फुलकुमार बम्जन थेन कोशिश थोकरला छ्याम च्याखेनसे मनोरन्जन किन्बारि खाम्ला । 

चुह्राङ्नोन लासि दिङ्साङकाप्तोनला लिच्छाला रे मोडल ओसेम डान्सर सुनिल क्षेत्री, करिश्मा शाही थेन सन्चिता बोलासेला प्रस्तुती तासेला मुला ।

रिममिठला ख्युरछ्या थेन विलासिताला अनुभव :

क्लब जेक्खे रेस्टुरेन्ट जेक्खे आताना सांस्कृतिक केन्द्रला स्ह्रुगरि ङोसेला । क्लबसे परम्परागत रिमठिमदा ख्युरछ्या लासिकेन डोन्बोतेन थुछाबा लासि खाबाजुगुदा आम्लेबा अनुभव पिन्सिकेन खाबा मुला । प्रबन्ध काठाक्पा लामाला आन्सार, ‘रोयल नेपाल रोधी क्लबसे ह्रोल्ज्याङ, रिमठिम थेन डोन्बोला छोन्बो केन्द्रला स्ह्रुग स्थापित लासिकेन स्यानह्युल स्तररि नेपाली रोधी रिमठिमदा ङोसेना लाबा दोन्डुब थान्बा मुला ।’ थेसे पाङ्जि, ‘ङान्ना दोन्ता नेपालला माउलिक रोधी रिमठिमदा जाम्बुलिङतादारि प्रतिष्ठित सांस्कृतिक दोखाङला स्ह्रुगरि स्थापित लाबा हिन्ना । चु दिङ्साङकाप्तोन ङान्छे निबा दिङरि डुप्बा उपलब्धिकादेला काप्तोन जेक्खे आहिन, नेपाली सांस्कृतिक सम्पदादा ङ्हाच्छा बोर्बा ङान्ना ग्रानला नोन प्रतीक हिन्ना ।’

ग्राहकफिला डेन :

दिङ्साङकाप्तोनला दुइसाङरि क्लबसे विशेष सेमछुबा लिस्ह्रुग क्योङ ग्राहकदा फ्ल्याट २० कारग्या छुट पिन्बा कापाङ लाबा मुला । चुतेन, क्लबसे खाबा रेरि झन गुणस्तरीय साप्तो, ब्रोइखाबा थेन ल्हुइथाङज्याबा चाबास्हे, प्रिमियम थुङ्बास्हे थेन समेछुबा ह्रोज्याङन्ना ओसेम सांस्कृतिक प्रस्तुती ग्याम डोन्बो अनुभवदा छार नोबारि दोना लाबा ग्रान पिन्बा मुला । 
क्लबसे ह्राङ्ला गिक्छा दिङ्साङकापतोनदा नेपाली ह्रोल्ज्याङन्ना परम्पराला छोन्बो कोपतोनला स्ह्रुगरि तेन्सिकेन डोन्बोदा ङ्योइसाङ लाबा मुला ।

(छिगदोनः काप्तोन– उत्सव, ज्योस्हिङ– कला, संयोजन–थुछाबा, दोन्ता– उद्देश्य, ज्यो– शैली, यान्दे– भदौ, स्ह्रुग– रुप, ह्रोल्ज्याङन्ना– सांगितिक, साप्तो« सेवा, काठाक्पा– निर्देशक, ब्लोन– मन्त्री, ओसेम– तथा, दाछोक– समिति, उन्पाङ्बा– जनाएको, साह्रोल्ज्याङ– लोकसंगीत, ङेक्यालो– हास्या व्यङ्ग्य, ख्युरछ्या– संरक्षण, ह्रोल्ज्याङ– संगीत, स्यानह्युल– अन्तर्राष्ट्रिय, दोन्डुब– लक्ष्य, दोखाङ– गन्तव्य, डुप्बा– हासिल, ग्रान– प्रतिबद्ध, सेमछुबा– आकर्षण, लिस्ह्रुग– स्वरुप, कारग्या– प्रतिशत, कापाङ– घोषणा, ल्हुइथाङज्याबा– स्वास्थ्यप्रद, लिउ– भविष्य)