मेलम्ची, सिन्धुपाल्चोक । जामेकोला आत्मनिर्भरता केन्द्र मेलम्चीला ३३ छा दिङ्कि साधारण जोम्ना मेलम्ची नगर ग्रेन्पो आइतमान तामाङला ग्रेनडोन्बारि ताजि ।

केन्द्रला चोहो सन्चमाया तामाङला चोहोदानरि ताबा गेताङरि विशिष्ट डोन्बोजुगुरि नगरपालिका स्यानग्रेन्पो उमा प्रधान,  ङ्हाच्छाला स्यानग्रेन्पो भगवती नेपाल, पाँचपोखरी थाङपाल गाउँपालिकाला स्यानचोहो सुनिता अधिकारी, ङ्हाच्छाला ह्युलठिमजोम्ना ह्रोमि डोल्मा तामाङ, ङ्हाच्छाला प्रदेश ब्लोन इन्द्रमाया तामाङ मुबा ।

स्यान डोन्बाजुगुरि वडा नं. ११ ला चोहो चन्द्रबहादुर तामाङ, जोङ जनल्हुइथाङ गेदिम ग्रेन्पो दुर्गा बजगाई, शक्ति समूह नेपालला स्हेङ्खेन चोहो चरीमाया तामाङला छ्याम स्यान्दोजुगु मुबा ।

गेताङरि केन्द्रला आजीवन ह्रोमि ग्यार्जा १ से १३ म्हे थेन ४८ म्हे साधारण ह्रोमि लासि क्योङ १६१ म्हेसे बोकिन्बा मुबा । जोम्नारि न्होरिक दिङ २०८१/८२ दा दिङ्कि प्रगति विवरण प्रस्तुत लाबा थेन केन्द्रला खाबा योजनाफिरि काठुइ लाबा मुबा ।

(छिगकि दोनः जामेकोला– महिला, दिङ्कि– बार्षिक, छा– औं, ग्रेन्पो– प्रमुख, स्यानग्रेन्पो– उपप्रमुख, स्यानचोहो– उपाध्यक्ष, ह्युलठिमजोम्ना– संविधानसभा, ह्रोमि– सदस्य, ब्लोन– मन्त्री, जोङ– जिल्ला, ल्हुइथाङ– स्वास्थ्य, गेदिम– कार्यालय, म्हे– जना, न्होरकि– आर्थिक, काठुइ– छलफल)