सिन्धुली ८ ड्वाफ्रे । श्री ठाकुरेश्वर दानस्हि लोप्खाङ, बेतपानीला लोप्खेनजुगुदा सुङरेकुनु पुरस्कार बोठाबा मुला । पुरस्कार लोप्खाङ दाछोकला चोहो लिलाबहादुर बलसे बोठाबा मुबा ।

ग्युइसेरकि सत्र २०८२ दिङला दिङकि परीक्षारि गिक्छा, ङ्हीछा, सोमछा थेन सान्त्वना ग्ला डुप्बा लोप्खेनजुगुदा पुरस्कार पिन्बा हिन्ना । लोप्खाङला लोप्बोन ओम बल तामाङला आन्सार गेताङरि पुरस्कृति ताबा लोप्बोनला अभिभावकजुगुदा नोन डेन लाबा मुबा ।

गेताङ ताबा बिमा ङ्हाच्छा लोप्खाङला लोप्खाङ डिछ्याना दाछोक थेन लोप्खाङला लोप्बोनजुगुला चिसाङ नोन चिबा मुबा । दाछोकला चोहो लिलाबहादुर बलला चोहोदानरि चिबा चिसाङसे लोप्खाङला ग्युइसेरकि स्तर तोर थिबाला लागि ल्होलो प्रस्तावजुगुरि काठुइ लासि आप्ता नोन लाबा मुला ।

(छिगकि दोनः दानस्हि– आधारभूत, सुङरे– शुुक्रबार, दाछोक– समिति, ग्युइसेरकि– शैक्षिक, दिङकि– वार्षिक, डुप्बा– प्राप्त, लोप्खेन– विद्यार्थी, लोप्बोन– शिक्षक, डिछ्याना– व्यवस्थापन, चिसाङ– बैठक, काठुइ– छलफल, आप्ता– निर्णय)