याम्बु ४ ड्वाफ्रे । नेपाल तामाङ घेदुङला चोहोरि रामकृष्ण ब्लोन तामाङ निर्वाचित ताबा मुला । घेदुङला १० छा संघीय छेजोमछेनग्याम ब्लोन चोहोरि निर्वाचित ताबा हिन्ना । चोहोरि गोर ङ्हा म्हेसे प्रतिस्पर्धा लाबा मुबा ।

३०६ मत याङ्सि चोहोरि ब्लोन निर्वाचित तामा थेला प्रतिस्पर्धीजुगु कुमारसिंह घिसिङसे ९८, मित्रसेन योन्जनसे ५९, अमिर लामा मोक्तानसे ३२ थेन मानबहादुर तामाङसे २७ मत याङ्बा मुबा ।

छ्याचोहो पदरि सरोजमोहन लामा निर्विरोध निर्वाचित ताबा मुला । वरिष्ठ स्यानचोहो पदरि सञ्चु ब्लोन तामाङ ३६० मतला छ्याम डाबा मुला बिसाम थेला प्रतिस्पर्धी हरिजङ तामाङसे १३२ मत याङ्बा मुला ।

गोर ङ्हा खुल्ला स्यानचोहो पदला लागि १२ म्हे उम्मेदवार गुङरि प्रतिस्पर्धा ताबा मुबा । थे न्हाङरि काजिमान थिङ ३७८ मत, रुपबहादुर योन्जन २४६ मत, दिनेश कुमार लो १८३ मत, प्रेम लो तामाङ १८१ मत ओसेम पासाङदोर्जे लामा १७६ मतला छ्याम निर्वाचित ताबा मुला ।

जामेकोला स्यानचोहो पदरि दिना लामा ३०१ मतला छ्याम डाबा मुला बिसाम विना मम्बा तामाङ ३२० मत याङ्सि निर्वाचित ताबा मुला ।

ग्रेनगाउराइ पदरि लिलाकुमार घलान निर्विरोध निर्वाचित ताबा मुला । स्यानग्रेनगाउराइ (खुल्ला) व्हना निर्मलबहादुर तामाङ थेन बिलाम मुक्तान निर्विरोध निर्वाचित ताबा मुला बिसाम स्यानग्रेनगाउराइ (जामेकोला)रि श्रमिक लामा निर्विरोध निर्वाचित ताबा मुला ।

गाउराइ पदरि सुनिल मोक्तान २५१ मत, सुन्दर थोकर तामाङ १९९ मत ओसेम हिरालाल तामाङ १९४ मतला छ्याम डाबा मुला । गाउराइ (जामेकोला) व्हना उषा वाइबा ३२७ मत थेन संगीता तामाङ पाख्रिन २७८ मतला छ्याम निर्वाचित ताबा मुला ।

न्होरचोहो पदरि तिर्थमान बल ओसेम छ्यान्होरचोहो पदरि सिता चोदेन तामाङ निर्विरोध निर्वाचित ताबा मुला ।

प्रदेशगत संघीय ह्रोमिजुगुला परिणाम

प्रदेश नं. १ ग्याम अर्जुन तामाङ, इन्द्रकुमार योन्जन तामाङ, दलमान तामाङ, पेम्बा गोले तामाङ, प्रदीप लामा तामाङ, मीनबहादुर तामाङ, रामबहादुर वाइबा थेन रामप्रसाद ग्याबा तामाङ निर्वाचित ताबा मुला । जामेकोला व्हना पेमाकुमारी लामा निर्विरोध निर्वाचित ताबा मुला ।

ग्यगारदान प्रदेशग्याम अमराज लामा, चन्द्रबहादुर मुक्तान, पूर्णबहादुर मोक्तान, राजकुमार घिसिङ थेन रामबहादुर घलान निर्वाचित ताबा मुला । जामेकोला व्हना बिना घिसिङ थेन राम्रीमाया तामाङ निर्विरोध निर्वाचित ताबा मुला ।

बागमती प्रदेशला १४ खुल्ला ह्रोमि पदला लागि २५ म्हे उम्मेदवार चुनावी पाङ्ग्यालरि थोन्बा मुबा । कडा प्रतिस्पर्धालिच्छा फुर्साङ मोक्तान तामाङ, कान्छा तामाङ, गोपीराज घलान, फुर्वाग्याल्बो मोक्तान, रोजबहादुर मोक्तान, फुर्पु तेन्जेन तामाङ, चक्रबहादुर पाख्रिन, उदय लामा, रक्षेबहादुर घलान लामा तामाङ, विजयकुमार तामाङ, समिर लामा, सुभास लामा, सूर्य घिसिङ तामाङ थेन सूर्यबहादुर तामाङ निर्वाचित ताबा मुला ।

बागमती प्रदेशलान जामेकोला व्हना उर्मिला स्याङ्तान तामाङ, ठुलीमाया मोक्तान, तिरुमाया तामाङ, निर्मला तामाङ, मिक्साङ लामा थेन लक्ष्मी जिम्बा निर्विरोध निर्वाचित ताबा मुला ।

गण्डकी प्रदेशग्याम खुल्लाव्हना जसपाल पाख्रिन, बिरसुब्बा तामाङ थेन भक्तबहादुर तामाङ निर्विरोध  निर्वाचित ताबा मुला बिसाम जामेकोला आशा बमजन थेन जुना तामाङ निर्विरोध निर्वाचित ताबा मुला ।

निर्वाचन थेत्माइला ग्रेन्पो बरिस्ठ अधिवक्ता डा. कुन्साङ योन्जनला आन्सार लुम्बिनी थेन कर्णाली प्रदेशग्याम खाजिबाइ नोन पदरि उम्मेदवारी परतिबा आरेमुबा ।

सुदूरपश्चिम प्रदेशग्याम केशवकुमार लामा निर्विरोध निर्वाचित ताबा मुला बिसाम प्रवास शाखा ओसेम आबद्ध शाखाग्याम ज्ञानबहादुर तामाङ निर्वाचित ताबा मुला ।

आबद्ध गेन्दुनला जामेकोला व्हना छोइसल घलान, लक्ष्मीमाया वाइबा, शर्मिला लामा, शान्ताकुमारी तामाङ, शान्ती दोङ तामाङ, सफलता तामाङ थेन शुसिला वाइबा तामाङ निर्विरोध निर्वाचित ताबा मुला । 
१ हेन्से ३ ड्वाफ्रेदोना याम्बुरि स्योल्बा छेजोमछेनला लिच्छाला मतपरिणाम निर्वाचन मण्डलसे तिनि म्हुना गुङरि सार्वजनिक लाबा हिन्ना ।

(छिगकि दोनः छेजोमछेन– महाधिवेशन, म्हे– जना, छ्याचोहो– सहअध्यक्ष, स्यानचोहो– उपाध्यक्ष,
ग्यगारदान– मधेश, पाङ्ग्याल– मैदान, ग्रेन्पो– प्रमुख, स्योल्बा– सम्पन्न)