चु आमा ह्राङ्लान मेहनतसे सोबारि म्हाइचिबा मुला
थेला यारि मुला जेक्खे मौसमी रोरो कर्बिजा
ह्राङ्लान मेहनतसे थुसि बाबा–
थे रोरो चुङ्सि दिमला कुदाप म्राबारि म्हाइमा अपराध ताजि ?
तिगा ह्याङ्ला ह्युलरि दाते
प्राङ्बो दोबा अपराध हिन्ना ?
ह्रिला रोरो थुसि गिक्खे आमासे
ह्राङ्ला बिजाला फोइदान फो प्लिङ्ना लाबारि म्हाइमा अपराध हिन्ना ?
चुरि,
सहर ह्याल थेन जेबा मिनरि
सातान प्राङ्ग्यालजुगुला म्हाङरि डन्डा छेप्ला
चुरि प्राङ्ग्यालला स्हेर बिमा कागजी नियम ङ्हाज्याङ ताला बिसाम
धिक्कार मुला चु डिछ्यादा ।
धिकार मुला प्राङ्ग्यालफिरि उन्बा अमानवीयतादा ।
ओइ देन्बान
दारे चुरि,
तिगा एन्ना प्राङ्बोफिला मानवीयता म्हाबान हिन्ना ?
आहिन बिसाम मेहनती याजुगुला म्हाङ तिल्दा सारि ब्याङ्पिन्जि ?
आमाला मिरि मिख्लि तिल्दा पिन्जि ?
ङान्छे चु नासेला आरे
थेतासि
डान्थान्गो
प्राङ्बोला ख्रेन्बासे नाबाकि बोमा हेन्से
थेकुनु मौनताला
काइ लुङ्सुर दोसिमाम रेसेला मुला ।
दोःबा : यकिना अगाध
(छिगकि दोनः रोरो– फल, कर्बिजा– काफल, प्राङ्ग्याल– गरीबी, डिछ्या– व्यवस्था, नाबा– सहनु, नाबाकि– सहनशीलता)
तपाईको प्रतिक्रिया दिनुहोस