नेपाल तामाङ घेदुङ पूर्वी क्षेत्रीय समन्वय समिति साउदी अरबसे मन्जुश्री सम्वत २८६१ सा पुख्रि (डुल) ल्होला सोनाम ल्होछार दाङ्जि । ३१ जनवरी २०२५ रि दमाम सहरला सिहात जुबेल हाइवे रिसोर्टरि सांस्कृतिक गेताङ ङ्योइसाङ लासि ल्होछार दाङ्बा हिन्ना ।

नेपाली राजदुतावास रियादला पूर्वी क्षेत्र जनसम्पर्क अधिकारी नारायण पासवानला ग्रेनडोन्बो ताबा चु गेताङ साउदीला चोहो विजय लामाला चोहोदानरि ताबा मुबा । गेताङरि साउदीरि मुबा ल्होलो गेन्दुनजुगुला चोहो, प्रतिनिधिजुगुसे बोकिन्मुबा ।

सांस्कृतिक गेताङरि डम्फु सेलो काइपा चन्द्र कुमार, काइपा गौरव तामाङ थेन म्हेन्दोमाया काइपा रोम ब्लेन्देन तामाङतेन स्यान्दो कलाकारजुगुसे ह्राङ्ला प्रस्तुती उन्बा मुबा ।

घेदुङ पूर्वी क्षेत्रीय समन्वयला ग्रेनगौराइ सोमबहादुर लामासे गेताङदा ज्याना लासि जिन्ना लाबारि ह्रोलाबाजुगुदा थुजेछे फुल्बा मुला ।