नवराज सञ्जेलला चोहोदानरि गोदावरी ग्योइकाइ परिषद्ला छार कार्यसमिति

ललितपुर । नवराज सञ्जेलला चोहोदानरि गोदावरी ग्योइकाइ (साहित्य) परिषद्ला छार कार्यसमिति स्होबा मुला ।
कार्य समितिला ह्रोचोहोरि जनार्दन पौडेल, गाउराइरि शर्मिला दाहाल, छ्या–गाउराइरि उषा के.सी. सिल्वाल, न्होरचोहोरि अश्वस्थामा अर्याल दाम्बा मुला ।
छार कार्यसमितिला ह्रोम्हिजुगुरि रामकुमार श्रेष्ठ, कल्पना महर्जन, सुस्मिता अधिकारी, नागेश न्यौपाने दाम्बा मुला ।
श्यामप्रसाद घिमिरेला निर्वाचन समितिसे चु कार्यसमिति दाम्बा हिन्ना ।
बडिखेलला सामुदायिक पुस्तकालयला स्रोत केन्द्ररि जोम्बा ङिसछा अधिवेशनरि ल्होलो स्रष्टाजुगुसे रचना नोन डोबा मुबा ।
अधिवेशनरि वरिष्ठ ग्योइकाइब्रिखेन प्रा.डा. तुलसी भट्टराई, प्रा. रामकुमार पाँडे, साझा प्रकाशनला चोहो शेखर गिरीसे नोन बोकिन्बा मुबा ।
गेन्दुनसे गोदावरी नगरपालिका न्हाङ्ला ग्योइ, ग्योइकाइ, कला, रिमठिमला थोरि गेलासि खाबा मुला ।
विधान आन्सार चु गेन्दुनरि नगरपालिकाला प्रमुख संरक्षक, उपप्रमुख छ्या–संरक्षक थेन प्रमुख प्रशासकीय अधिकृत पदेन ग्रोइपा मुला ।
दातेला चोहो नवराज सञ्जेल गजल, ङोसेबा व्हाइ थेन हाइकुरि स्थापित मिन हिन्ना । बागमती व्हाइ ब्रिबा सञ्जेल शैक्षिक व्हाइला राष्ट्रिय प्रतिस्पर्धारि गिक्छा तामुबा ।
तपाईको प्रतिक्रिया दिनुहोस