ज्योति विकास बैंकसे मिति २०८१ चैत ४ गतेहेन्से १० गतेदोना (सन् २०२५ मार्च १७ हेन्से २३ दोना) दाङ्बा ग्लोबल मनी विक (Global Money Week 2025) अभियान न्हाङरि ल्होलो ग्लाजुगुरि वित्तीय साक्षरता गेताङ लाबा मुला ।

बैंकसे चैत ११ गते जारी लाबा वक्तव्य आन्सार ग्लोबल मनी विक ला मुख्य नारा “Think Before You Follow, Wise Money Tomorrow” बिबा नुररि केन्द्रित तासि छारिब्योन वर्गरि सप्ताह गिदोना बैंकसे ल्होलो शाखाजुगु ग्याम्से ह्युलला ल्होलो ग्लाजुगुरि वित्तीय साक्षरता थेन सचेतनाला गेताङजुगु ङ्योइसाङ लाबा हिन्ना ।

बैंकसे डिजिटल गुङ्ग्याम थेन सोसल मिडिया ग्याम्से नोन ल्होलो सचेतना ओसेम स्यान्दो जानकारीमुलक गेजुगु गेस्याङ्बा मुबा । चु अभियानग्याम्से छ्योआछ्यो तोङ्जा गि बिमा ल्हाना म्हिजुगु प्रत्यक्ष लिरि लाभान्वित ताबा मुला ।

थे गेताङ न्हाङरि बैंकला प्रादेशिक ओसेम क्लस्टर गेदिमजुगु न्हाङरि मुबा ल्होलो शाखा गेदिमजुगु ग्याम्से थेनोन थुमला लोप्खाङ थेन कलेजजुगुरि आधुनिक बैंकिङ, बैंक थेन वित्तीय गेन्दुनला मुख्य गेजुगु, वित्तीय अनुशासन, तोबा थेन चाहनाजुगु, वत्तीय लक्ष्य, बचत, लगानी, खर्च, विद्युतीय वित्तीय सेवाजुगु, नगद आरेबा कारोबार, धितोस्यो बजार, विद्युतीय ठगी, ओपीटी सम्बन्धी ग्युइला छ्यामला नुरजुगुदा समावेश लासि १५ वटा बिमा ल्हाना तालिम थेन वित्तीय साक्षरता गेताङ गेस्याङ्बा मुबा ।

छ्यामरि, बैंकसे ग्लोबल मनी विक दुइदोना बैंकला सामाजिक संजालजुगुरि ल्होलो Audio Visual स्हेजुगु छिपा थेन प्रभात फेरी गेताङजुगु ङ्योइसाङ लासि ल्होलो वित्तीय ग्राजुगु नोन पिन्बा मुबा ।

बैंकला चुह्राङ्बा गेताङजुगुसे वित्तीय साक्षरताला महत्वला बारेरि छोरुवा बाबा थेन जाजा दिङहेन्सेन बिजाबुमो थेन छारिब्योनजुगुरि वित्तीय साक्षरता प्रबद्र्धन लाबा, थेन्दा वित्तीय निर्णयजुगु किन्बा थेन लिउरि सक्षम ह्युलम्हि दोबारि तोबा ग्युइ, सीप थेन व्यवहारसे सशक्त स्होबा उद्देश्यरि स्पष्ट योगदान पिन्बा बैंकला विश्वा चिबा मुला ।