तामाङ सोसाइटी अफ अमेरिकासे ‘घ्योइ थेन सेमल्हेङ’ गेताङ स्हेङ्जि
राम पाख्रिनला आन्सार तामाङ सोसाइटी अफ अमेरिकासे ‘घ्योइ थेन सेमल्हेङ’ गेताङ २९ मार्च २०२५ कामरेकुनु स्हेङ्बा मुला ।
तामाङ सोसाइटीला २३ छा स्हेङ्खेन दिङ्साङला दुइसाङरि चु गेताङ स्हेङ्बा हिन्ना ।
ग्रेनडोन्बो दुङजिन रिन्पोछे दावा साङ्पो योल्मोपासे मोलम छ्योकु लासि ओसेम ताम्बाजुगुसे साङसेरग्याम लासि गेताङ ठ्वाङ्सेन लाबा मुबा ।
गेताङरि तामाङ ग्योइला व्हाइखा डोबाला छ्याम डम्फु ह्राप्सि व्हाइ कोबा मुबा । गेताङरि बोकिन्बा डोन्बोजुगुसे गेन्दुनला खाबारेजुगु ज्याबा तागाइ बिसि मोलम पिन्बा मुबा ।
गेताङरि दोगाबा डोन्बोजुगुदा गेन्दुन (संस्था)ला चोहो तुलबहादुर तामाङसे थुजेछे फुल्सि गेताङ थुम्ना लाबा मुबा ।
गेताङरि तामाङ सोसाइटीसे नेपाल विद्युत प्राधिकरणला कार्यकारी निर्देशक कुलमान घिसिङदा अन्यायपुर्ण तोसोसे पदग्याम बर्खास्त लाबा बिसि लिब्रो लाबान दोसि थे पदरि थान्बारि सरकारतेन म्होइजेन लासि प्रेस विज्ञप्ती नोन जारी लाबा मुबा ।
तपाईको प्रतिक्रिया दिनुहोस