सर्लाही । मधेश प्रदेश घेदुङला ङ्योइसाङरि हरिवनला नयाँ रोडला होलिडे इन होटलरि ‘तामाङ ग्योइ प्रवद्र्धन थेन सरकारी गेदोइला ग्योइ’ नुररि मंगलबार कार्यशाला गोष्ठी ताजि ।

गेताङ नेपाल तामाङ घेदुङ मधेश प्रदेशला चोहो यमलाल गोलेला चोहोदान थेन घेदुङ संघीय चोहो मोहन गोलेला ग्रेनडोन्बोरि ताबा हिन्ना ।

गेताङला विशिष्ट डोन्बोजुगुरि हरिवन नगरला उप–प्रमुख हरिमाया घ्लान, संघीय ह्रोम्हि जयमान पाख्रिन, निशा मोक्तान, लक्ष्मी तामाङ, लालबन्दी नगर घेदुङला चोहो ओसेम वडा नं. ८ वडाचोहो शुक्र पाख्रिन, हरिवन–२ ला वडाचोहो अर्जुन योन्जन मुबा ।

गेताङला विशिष्ट ग्रेनडोन्बारि मधेस प्रदेश ह्रोचोहो संजिब मोक्तान, सर्लाही जोङ चोहो बुद्ध थिङ, जोङला ङ्हाच्छाला चोहो हिरा काजि योन्जन, तामाङ स्योमि (पत्रकार) संघ जोङ चोहो चन्द्रबहादुर जिम्बा, जामेकोला नेतृ सोनी कुमारी बोम्जन, मणिपा आमा समूह बागमतीला चोहो पाल्देन दोर्जे लामा मुबा ।

गेताङरि सिराह, सप्तरी, धनुषा, महोत्तरी, बारा, पर्सा, रौतहट जोङ्ला पदाधिकारीजुगुसे नोन बोकिन्बा मुबा ।

गेताङ संघीय घेदुङला स्यानगाउराइ सरोज मोहन तामाङसे संचालन लाबा मुबा ।

गेताङरि संघीय घेदुङला चोहो मोहन गोले थेन ग्योइ आयोगला का.मु गाउराइ डा. लोकबहादुर लोप्चनसे प्रशिक्षण पिन्बा मुबा ।