बागमतीला गोरङ्हा गाउराइला बहाली थेन सरुवा
हेटौंडा । बागमती प्रदेश सरकारसे गोरङ्हा गाउराइला बहाली थेन सरुवा लाबा मुला । प्रदेश सरकारला मिरे चिबा चिसाङसे संघीय सरकारग्याम सरुवा तासि खाबा गोरसोम गाउराइला बहाली लाबा मुला बिसाम गोरङ्ही गाउराइदा स्यान्दो ग्लारि सरुवा लाबा मुला ।
चिसाङसे संघीय सरकारग्याम खाबा बैकुण्ठ अधिकारीदा कृषि थेन पशुपन्छी विकास मन्त्रालय, हेमराज भुसालदा उद्योग वाणिज्य भुमि थेन प्रशासन मन्त्रालय ओसेम छारिब्योन थेन क्लाङ्छ्योङ मन्त्रालयरि mभलकराम अधिकारीदा जिम्मेवारी पिन्बा निर्णय लाबा मुला ।
चिसाङ्से सामाजिक विकास मन्त्रालयला गाउराइ दाते उद्योग वाणिज्य भुमि थेन प्रशासन मन्त्रालयरि गेलाचिबा गाउराइ बिनु बज्राचार्य ओसेम सहकारी थेन गरिबी निवारण मन्त्रालयरि प्रदेशसभा सचविालयरि गेलाचिबा पूर्णबहादुर दर्जीदा जिम्मेवारी पिन्बा निर्णय लाबा सरकारला प्रवक्ता ओसेम प्रदेशला आन्तरिक मामिला थेन ठिम लोन्वो सुरुजचन्द्र लामिछानेसे पाङ्जि ।
थेला आन्सार चिसाङसे उद्योग मन्त्रालय न्हाङ्ला भुउपयोग परिषद स्होसि गोरङ्ही खेन्पो ह्रोम्हि नियुक्त लाबा निर्णय लाबा मुला । थेरि पाल्पाला विष्णुप्रसाद रिमाल थेन चितवनला हरिप्रसाद सुवेदीदा नियुक्त लाबा मुला ।
चिसाङसे बागमती प्रदेश विश्वविद्यालय ख्युछ्र्या समिति (बोर्ड अफ ट्रस्टी)ला ह्रोम्हिरि नुवाकोटला रामप्रसाद रिजालदा नियुक्त लाबा निर्णय लाबा मुला बिसाम प्रदेश उच्च ग्युइसेर परिषदला पदेन ह्रोम्हिरि बागमती प्रदेश विश्वविद्यालयला चोहो चन्द्रमणि पौडेलदा नियुक्त लाबा निर्णय लाबा मुला ।
चिसाङसे स्थानीय तहतेन समन्वय थेन ह्रिबाला देनःरि विपद स्वयंसेवक समुह स्होसि बजेट अख्तियारी पिन्बा निर्णय लाबा मुला । क्योङ १ करोड बजेट मुबा चु गेताङ कार्यान्वयनला लागि मन्त्रिपरिषद चिसाङसे स्वीकृति पिन्बा हिन्ना ।
चिसाङसे खाबा न्होर दिङ २०८२/८३ ला वित्तीय समानीकरण अनुदान गेताङ स्वीकृत लाबा निर्णय लाबा मुला ।
(छिगला अर्थः गाउराइ– सचिव, मिरे– मंगलबार, चिसाइ– बैठक, छारिब्योन– युवा, क्लाङ्छ्योङ– खेलकुद, ठिम– कानुन, खेन्पो– विज्ञ, ह्रोम्हि– सदस्य, ख्युछ्र्या– संरक्षण, ग्युइसेर– शिक्षा, देनः– आधार, न्होर– आर्थिक)
तपाईको प्रतिक्रिया दिनुहोस