हेटौंडा । यान्पाङ थुमरि ज्याबा योगदान पिन्सि सामाजिक उत्तरदायित्व थोबा गेरि समर्पित स्योमि कमला तामाङ (अस्मि स्याङतान) दा बागमती प्रदेश सरकारसे ‘प्रदेश गौरव स्योनाम पुरस्कार’ ग्याम डेन लाबा मुला ।

न्हाङ्ला मामिला थेन ठिम मन्त्रालय न्हाङ्ला यान्पाङ रजिष्ट्रारला गेदिम, हेटौंडा ग्याम पिन्बा थे पुरस्कार तामाङसे यान्पाङ स्हेग्याम सामाजिक चेतना ल्हेना लाबा, ह्युल्बादा तथ्यरि दानः मुबा ग्रा पिन्बा थेन सामाजिक पोबाला दानः स्होबारि योगदान लाबा बिसि पिन्बा हिन्ना ।  

यान्पाङ थुमरि ह्रेङ्बा दुइहेन्से क्रियाशील तासिकेन खाबा तामाङ दाते नेपाल आदिवासी जनजाति स्योनाम गेन्दुनछेन (फोनिज)ला केन्द्रीय समितिरि छ्यान्होरचोहोला लिरि गेलाचिबा मुला । थेला चु डेनसे स्योनामरि सक्रिय मुतेबा यान्पाङपादा प्रेरणा काप्सेला विश्वा किन्बा मुला ।

(छिगला अर्थः छ्यान्होरचोहो– सहकोषाध्यक्ष, यान्पाङ– संचार, स्योनाम– पत्रकारिता, स्योमि– पत्रकार, न्हाङ्ला– आन्तरिक, ठिम– कानुन, स्हेग्याम– माध्यम, दानः आधारित, ग्रा– सूचना, गेन्दुनछेन– महासंघ, यान्पाङ्पा– संचारकर्मी)