पोबाला लागि लड्तिनोन तोला
क्रान्तिला चेरि
चुबिमा मुक्ति नोन आरे
चु ह्याङ्ला केवारि ।
केबाचिम ह्युलद्रोहीकादे
चु ह्युल न्होङ्ना लाबारि
ह्युल नोन ब्लुमजिन्जि
खालाइ आरे स्याम्बारि ।
खाइमादोना सोसे फिरग्याप
ह्युलरि स्हु थेन स्हेरसे
लुट्तिना लुट्तिना ढुकुटी थानथान ताजि
चु दलाल भ्रष्टसे ।
मुनाङ्नोन म्लाङ खासु
च्यागोले हाप्जिन्जि
स्वर्ग ह्राङ्बा जेबा ह्युल
चुङ्सि चाजिन्जि ।
बलिला बोको स्होजि
नेपाली ह्युल्बादा
ह्युलला बिमा चेगाइ मुला
थे कुर्सी नेतादा ।
छारिब्योनजुगु कादे फ्यालासे
दोप्ताला काङरि
फ्लिक दोसि खाउ योनाना दारेम
ह्राङ्लान दिम नाम्सारि ।
रौतहट ।
२०८२/०३/२५ गते
(छिगला अर्थः पोबा– परिवर्तन, केवा– जीवन, केबा– जन्म, स्याम्बा– सिंगार्न, स्हु– दुःख, स्हेर– कष्ट, हाप्बा– छाउनु, छारिब्योन– युबा, दोप्ता– मालिक, कादे– कत्ति)
दोःबा : यकिना अगाध
तपाईको प्रतिक्रिया दिनुहोस