छुगसे ल्हेबा मुला
ह्युलरि सत्ताला रङ ।
रङ ल्हागतिमाहेन्से
मलमलला तिसाग्याम फाप्सि
स्हुला व्हाइ कोबा ह्राङ्नोन लाला
निमुखाला काइ ङ्यान्बाह्राङ लाला
स्हिल्माहेन्से रङ
दोसि खेबाः ठाँटरि फिर्ला तिसाफिरि
ओम मस्त ताला दोसि
सत्ताला रङरि ।
बोबा स्हुरदाम–सुरुवालकादे
ख्याबा कुलाकि–आङ्रेकादे
दिङ्छाहेन्से आलुङ्बा सिम्बा कुदापकादे
गणतन्त्रला सिम्बा लाबारि गोङ्बा मुला
तिसारि चिबाकादे
लठ्ठ ताचिबा मुला सत्ताला रङरि ।
अभावला ख्युर्बाच्युपरि परतिबा मुला म्हाङ
दोपन्हाङरि म्हाबा मुला क्रान्तिला ताम ।
सिन्दुर फ्याबा चिवाकादे
ङेङ्गोर म्हाबा टुहुराकादे
सन्ताननुब्बा खेप्पाखुयुकादे
स्याररिक्यार दोसि
च्याचिबा मुला थानथान दिनि ।
छुगसे ल्हेबा मुला
ह्युलरि सत्ताला रङ ।
(छिगला अर्थः रङ– मात, छुग– गज्जब, स्हु– दुःख, रङस्हिल्बा– मात उत्रनु, खेबाः– पुरानो, –गोङ्बा– कठ्याङ्ग्रिनु, ख्युर्बाच्युप– घेराबन्दी, चिवा– सिउँदो, ल्हेबा– मौलउन/फैलिनु)
दोःबा : यकिना अगाध
तपाईको प्रतिक्रिया दिनुहोस