ज्ञानबहादुरसे पाङ्बा आहिन
ह्रेन्जेनसे पाङ्बा हिन्ना ।
थेला काइरि
पेङ्दोर्जेला डम्फुला धुन मुला,
नाम्सा नाम्साला चोकरि होङ्बा
पुर्खाला डान्बा मुला । 
थे काइरि
म्हाबा सत्ताला बोमो मुला
म्हाबा ग्याल्साला क्रिङ्बा मुला, 
बिथोलाप ताबा ङोसेबाला स्हेर मुला । 
ह्रेन्जेनला काइ
ताम्सालिङला ल्हातेन छ्याम रेला
थे ऐतिहासिक सारि,
खानाङ छे थाबा यासे
खाल्से याङ्ताम ब्यान्बा हिन्ना थाहा याङ्ला । 
दारे ह्याङ्ला आपानिसे गोसेला मुला, 
ह्याङ्ला आमानिसे थेसेला मुला, 
ज्ञानबहादुरला थे काइ
छार पुस्तासे अनुशरण लासेला मुला ।

दारे दोङरापरि अंकित तासेला मुला थे काइ
फारापरि दर्ज तासेला मुला थे काइ । 
ताम्सालिङला काइ
जेक्खे छिग आहिन
चु ल्हाला होहोङ हिन्ना
चु स्योङ गान्दिला गुनासो हिन्ना
चु बुव्हाराला टु हिन्ना । 
ज्ञानबहादुरला सुङ आहिन
ह्रेन्जेन थेन ताम्सालिङलान आत्म पाङ्चिबा मुला ।

(२०८२/५/१५ बागमती प्रदेशला प्रतिनिधि जोम्ना न्हाङरि गिक्छारेम तामाङ ग्योइरि माननीय ज्ञानबहादुर तामाङसे सेमताम थान्माहेन्से ब्रिबा व्हाइखा)

दोःबा : यकिना अगाध

(छिगदोनः होङ्बा– घन्किने, ग्याल्सा– राज्य, ङोसेबा– पहिचन, स्हेर– पीडा, ल्हा– पहाड, याङ्ताम– अधिकार, होहोङ– प्रतिध्वनित)