रेगो किसान, गिक ताउ गेनाम
चु ह्युल स्होबारि
चुनोन जाम्बुलिङ ह्याङ्ला ज्योबारि दारेम
टु ल्हुबारि ।
दलाल सत्ता टुना लाबारि
कादे ह्रिला ल्होगो
ल्हानान ताजि पोबा आरे
चु ह्युलला लि ।
स्हु नासि खाइमादोना
थोबो चुङ्चिबा
सत्तारि चिसि भ्रष्टाचारीकादे
च्यागोले ताङ्चिबा ।
ह्युल्बालान भोट किन्सि
ह्युल्बादा आज्या
चु शासनसत्ता आब्याङ्तेदोना
चु ह्युल आस्हो ज्याबा ।
सुधार नीतिसे खाजिबा ह्युल
खानाङ स्होबा मुला
टुबाकला नालग्याम प्राङ्बोला सत्ता खाला
माओसे बिबा मुला ।
क्योङ ह्युलभक्तिकादे
आता दारेम चिसिमाम
रेगो छारिब्योन ल्हाउ होइ
दारेम क्रेप्सा खिसिमाम ।
(छिगला अर्थः गेनाम– मजदुर, ज्योबा– सिंगार्न, टुना– टिकाउन, ल्होगो– गुहार, स्हु– दुःख, आज्या– गन्दैन)
दोःबा : यकिना अगाध
तपाईको प्रतिक्रिया दिनुहोस