चेमो मदन !
खाउ, बोर्गो एला जबज
चुरि गिसेमगि ब्यान्बाला हाट मुला
सामतेन आहिन, ख्याख्याला देप्बापिन्बा मुला ।
तोबाआतोबा तर्क मुला
खाल्दा खाराङ्बा छोर्ला
ओस्बान अर्थ ल्हागाब लाला
ओम ब्रिला तोबामाबा
एला जबज दारेम गायत्री ङा दोजिन्जि ।
फ्लिकदोसि बोर्गो
ओम चागाइले चुन्छे सेम छेमनिना कि
सप्तकोशी कुनिला म्हेमेला पेँेडा
व्हा सिनामंगल ङामला म्हेमेला सेकुवा
व्हा कोटेश्वरला शिखर मःमः ।
आउदिनला ताना लाजि एला जबज
खाइमा बालुवाटार, खाइमा पेरिसगाङ
खाइमा बुढानिलकण्ठ दोना लाला
खानाङ खाजिबा दुइरि तिगा परतिला
थेरिन स्योन्तोलोङ !
चेमो मदन !
जतन आरे जबजला
पेबा आरे थेन्दा ।
खाउ
फ्लिकदोसि बोर्गो
एला जबज ।
(२०८२/४/३ बनेपा कागल नाम्सा काभ्रे)
(छिगला अर्थः चेमो– प्रिय, सामतेन– विचार, देप्बापिन्बा– सट्टापट्टा, ङा– मन्त्र)
दोःबा : यकिना अगाध
तपाईको प्रतिक्रिया दिनुहोस